الەمدە قىزىقتى وقيعالار وتە كوپ. بىراق، ءبىز ولارعا نازار اۋدارا بەرمەۋىمىز مۇمكىن. دەگەنمەن، ءبىر ءسات قىزىقتى تاڭقالارلىق جايتتارعا دا كوز توقتاتىپ كورەيىك:
ەگەر ءسىز ءۇيىڭىزدى تەزىرەك ساتقىڭىز كەلسە، وندا سىرتىن سارى تۇسكە بوياپ بارىپ، جارناما بەرگەنىڭىز دۇرىس.
وڭتۇستىك افريكا رەسپۋبليكاسى سۋىق قارۋ قولدانىپ، ادامعا شابۋىل جاساۋ، توناۋ، زورلاۋ جونىنەن الەمدە ءبىرىنشى ورىندا ەكەن.
پايىزدىق دەرەككە جۇگىنەر بولساق، الەمنىڭ باسقا ەلدەرىمەن سالىستىرمالى تۇردە قاراعاندا، اقش-تا ازاماتتار تۇرمەگە كوپ وتىرادى.
شۆەيتساريادا مەكتەپ مۇعالىمىنىڭ جىلدىق تابىسى 33 مىڭ دوللار شاماسىندا.
ايەلدەردىڭ 90 پايىزى ۋنيۆەرماگقا نەمەسە ساۋدا ۇيىنە كىرەر ساتتە بىردەن وڭ جاققا بۇرىلادى ەكەن.
امەريكالىقتار بالالار تاعامىنان گورى مىسىقتىڭ تاماعىنا اقشانى كوپ جۇمسايتىن كورىنەدى.
ءبىزدىڭ ءومىر بويى جەگەن تاماعىمىزدىڭ سالماعى 27 توننا بولادى ەكەن، ال بۇل 7 ءپىلدىڭ سالماعىنا تەڭ.
الەمدە ءاربىر ءۇشىنشى سەكۋندتا دۇنيەگە ءسابي كەلەدى.
وتىرىك ايتىپ تۇرعان ادامداردىڭ كوزى كوبىنەسە جوعارى-تومەن قارايدى ەكەن.
كۋبادا جاڭبىر تەك تۇسكى ۋاقىتتا، ال تايلاندتا تەك تۇندە جاۋادى ەكەن.
الەمدە ادامداردىڭ 0,7 پايىزى كەز-كەلگەن ۋاقىتتا اراق ءىشىپ جۇرەدى ەكەن.
دەنەسىنە تولىق سۋرەت سالىنعان تولعان ادام شوتلانديانىڭ سكاي قالاسىندا تۇرادى. ونىڭ تەرىسىنىڭ 99 پايىزىنا تاتۋيروۆكا جاسالعان. ول ادامنىڭ ەكى جەرىندە عانا تاڭبالانعان سۋرەت جوق. اياعىنىڭ بايشپايلارىنىڭ اراسىندا جانە قۇلاعىنىڭ ىشىنە عانا تاتۋيروۆكا سالىنباي قالعان .
«جەزدى مۇرت» ءستاليننىڭ بويىنىڭ ۇزىندىعى — 160 سانتيمەتر بولدى. سوندىقتان فوتوگرافتار ونى كوپ جاعدايدا تومەننەن جوعارى قاراي تۇسىرگەن. ءستاليننىڭ ءبىر قولى ەكىنشىسىنەن ءسال قىسقالاۋ بولعان. وسىعان بايلانىستى كوپ جاعدايدا ول ءبىر قولىن قالتاسىنا سالىپ نەمەسە سيگارەت تارتىپ تۇراتىن بولعان. ستالين عانا ەمەس، كوپتەگەن تانىمال تۇلعالاردىڭ بويىندا وسىنداي دەنە كەمشىلىكتەرى بولعان. مىسالى، ءبىرىنشى پەتردىڭ باسىنىڭ دومالاق ءپىشىنى وتە كىشكەنتاي بولعان. ال ناپولەننىڭ بويىنىڭ ۇزىندىعى -150 سانتيمەتر عانا.
رەسەيدە تۇڭعىش رەت ايىقتىرعىش بولمەسى 1902 جىلى تۋلا قالاسىندا دارىگەر فەدور ارحانگەلسكيدىڭ باستاماسىمەن اشىلعان.
برازيليادا وتكەن الەم چەمپيوناتى قىمبات تۋرنيرلەردىڭ ءبىرى بولدى. وعان 30 ميلليارد دوللارداي قارجى جۇمسالعان. ال سوڭعى الەم چەمپيوناتىنا فرانتسيا – 40 ملن، جاپونيا – وڭتۇستىك كورەيا – 5 ملرد، گەرمانيا – 6 ملرد، وڭتۇستىك افريكا – 4 ميللياردا دوللار جۇمساعان.
الەمدەگى ەڭ جىلدام جۇگىرەتىن فۋتبولشىلاردىڭ ءبىرى – پورتۋگالدىق كريشتيانۋ رونالدۋ. ول ساعاتىنا 39,2 شاقىرىم جۇگىرە الادى.
الەمنىڭ ءار ەلىندە ايەلدەرگە قاراعاندا، ەرلەر ءوز-وزىنە كوبىرەك قول جۇمسايدى. كەيبىر ەلدەردە، اتاپ ايتقاندا، رەسەي مەن برازيليادا ەرلەر اراسىندا ءوزىن-ءوزى ءولتىرۋ وزگە مەملەكەتتەرمەن سالىستىرعاندا 6 ەسە جوعارى.
جيرافتىڭ بالاسى تۋىلعاندا 1,5 مەتر بيىكتىكتەن قۇلاپ تۇسەدى.
ادام كوزىن اشىپ تۇشكىرە المايدى ەكەن.
ۇلۋدىڭ قوزعالىس جىلدامدىعى – 1,5 مم/سەكۋند.
الەمدەگى 23 ۇلت جىلقىنى كيەلى جانۋار دەپ ەسەپتەيدى. سونىڭ ءبىرى – قازاق حالقى.
"ادىرنا " ۇلتتىق پورتالى
