اتلانت مۇحيتىندا تيتانيك كەمەسىنەن قالعان ۇيىندىلەر مەن قالدىقتاردى كورۋدى، زەرتتەۋ مەن تاماشالاۋدى ماقسات ەتكەن سۇڭگۋىر قايىق جوعالىپ كەتتى. مۇحيت تەرەڭىنە تارتقان قايىقتا تۋريستەر دە بولعان، دەپ حابارلايدى "ادىرنا" ۇلتتىق پورتالى.
اتلانت مۇحيتىندا بەس ادامى بار سۇڭگۋىر قايىق جوعالىپ كەتتى. ولار تيتانيكتەن قالعان ۇيىندىلەردى قىزىقتاۋ ءۇشىن تەڭىز استىندا ساپارعا شىققان، دەپ جازادى The Guardian بوستونداعى اقش جاعالاۋ كۇزەتى قىزمەتىنە سىلتەمە جاساپ.
باسىلىم جازعانداي، سۇڭگۋىر قايىقتا ۇلىبريتانيا مەن فرانتسيانىڭ تانىمال عالىمدارى مەن زەرتتەۋشىلەرى بولعان. قازىر ۇشاقتارمەن جانە سۋ استى جابدىقتارىمەن ىزدەۋ-قۇتقارۋ وپەراتسياسى ءجۇرىپ جاتىر.
جاعالاۋ كۇزەتىنىڭ جەتەكشىسى بۇعان قاتىستى پىكىر ءبىلدىردى. ونىڭ ايتۋىنشا، سۇڭگۋىر قايىقتا قانداي دا اقاۋ بايقالىپ، جولاۋشىلار قيىندىققا تاپ بولسا، قايىق وزدىگىنەن سۋ بەتىنە قالقىپ شىعاتىن مەحانيزمگە يە.
"ادىرنا" ۇلتتىق پورتالى
ۇقساس جاڭالىقتار
