الەمدە كەڭىنەن تارالىپ جاتقان تيك-توك الەۋمەتتىك جەلىسىن، ونىڭ زيانى مەن كەمشىلىكتەرىن “ادىرنا” اتاپ وتكەن بولاتىن.
ەندىگى ماسەلە مىنادا..
بۇل جەلىنى پايدالانۋشىلار وزدەرىنە ۇناعان اندەرىنە ساي بي بيلەپ، نەمەسە ءتۇرلى قيمىلدار جاساۋ ارقىلى ۆيدەو تۇسىرەدى. قازىر، سوڭعى كەزدە ترەندكە اينالىپ جاتقان ول، بەت-ءجۇءزىن كامەراعا مەيلىنشە جاقىنداتىپ، مۋزىكا ىرعاعىنا ساي باستى قوزعالتۋ.
جاستاردىڭ قازىرگى قىزىعۋشىلىعى مەن ءتۇسىرىپ جاتقان بەينەجازبالارىنا ايتار قارسىلىعىمىز جوق. دەگەنمەن، ويىن – ويىنىمەن.
الەۋمەتتىك جەلىدە قىزۋ تالقىعا ءتۇسىپ جاتقان ەندىگى ماسەلە، ول - اباي قۇنانبايۇلى، ءاليحان بوكەيحانوۆ, احمەت بايتۇرسىنۇلى مەن نۇرسۇلتان نازارباەۆتاي قازاقتىڭ ۇلى، دانا، ەلى ءۇشىن قىزمەت ەتكەن ءبىرتۋار ازاماتتارىنىڭ ازعىنداردىڭ قۇربانىنا اينالۋى.
ءاليحان بوكەيحانوۆتىڭ اتىلار الدىندا، تۇرمەدە تۇسىرىلگەن سوڭعى سۋرەتىمەن ويناعانى الاش ارىستارى مەن ولاردىڭ ەڭبەگىن باعالايتىن ءار ازاماتتىڭ اشۋىنا ءتيىپ وتىر.
قازاق جازۋىنىڭ رەفورماتورى – احمەتتىڭ، ۇلى اقىن -ابايدىڭ، ەلباسى – نۇرسۇلتان نازارباەۆتىڭ سۋرەتىن شاڭىراعىمىزدىڭ تورىنە ءىلىپ قويۋدىڭ ورنىنا ەرىككەنىڭ ەرمەگىنە اينالدىرىپ، جەم قىلىپ وتىرمىز.
الاش كوسەمى ءاليحان بوكەيحانۇلىنىڭ احمەت بايتۇرسىنۇلى مەن مىرجاقىپ دۋلاتۇلىنا جازعان حاتىنان ءۇزىندى...
«شىراعىم احمەت! شىراعىم مىرجاقىپ! سەندەر قايتا-قايتا اباقتىعا تۇسە بەرەسىڭدەر. وعان نالىماڭدار. اتام زاماننان، پرومەتەيدەن بەرگى ۋاقىتتا ەل ءۇشىن كۇرەسكەن ازاماتتاردىڭ كورگەنى - اباقتىنىڭ ەسىگى. باياعىدا دوڭىز بەن اققۋ دوس بولىپتى. دوڭىز سوندا اققۋعا: «ەي اققۋ، سەن ايتشى، كۇن بار دەيسىڭ، سول كۇندى مەن نەگە كورمەيمىن» دەپتى. سوندا اققۋ: «ءاي دوڭىز، سەنى اللا تومەن قاراتىپ جاراتقان. سوندىقتان، سەن كۇندى كورە المايسىڭ» دەپتى. شىراعىم احمەت! مىرجاقىپ! بولاشاققا كۇندى كورە الاتىن ۇرپاق كەرەك. سول ۇرپاق سەندەردىڭ اتتارىڭدى اتاپ، قۇرمەت كورسەتىپ جاتسا، باقىتتى ەمەسسىزدەر مە!؟» دەگەن ەكەن.
سونداعى كورسەتكەن قۇرمەتىمىز وسى ما؟ اتا-بابامىز اڭساپ جەتە الماي كەتكەن تاۋەلسىزدىك ۋىسىمىزدا تۇرعان كەزدە، مەيلىنشە ەسىمدەرىن ارداقتاپ، العىس ايتىپ، تاعزىم ەتۋدىڭ ورنىنا ىستەپ وتىرعانىمىز وسى. ءبىز ءاز-جانىبەك, ۇلى ابايدىڭ ۇرپاقتارى ەلىمىز بەن جەرىمىزگە قاسىق قانى قالعانشا ەڭبەك ەتكەن ءار تۇلعانىڭ ەسىمىن ۇلىقتاپ, ولاردىڭ ەسىمدەرىن تاريحتا التىن ارىپتەرمەن جازىلۋى ءۇشىن ءوز ىقپالىمىزدى تيگىزۋىمىز كەرەك.
“اتالارىمەن ويناعانداردى ىزدەپ، ولاردى جازاسىز قالدىرماۋ كەرەك” – دەيدى، جەلى قولدانۋشىلارى.
لاۋرا تۇرسىنجان،
“ادىرنا” ۇلتتىق پورتالى
