الماتىلىق ينفەكتسيونيستەر الەمدە كاۆاساكي سيندرومىنىڭ كەڭ تارالىپ جاتقانىن جەتكىزدى، دەپ حابارلايدى Stan.kz اقپارات اگەنتتىگى.
وڭىرلىك كوممۋنيكاتسيالار قىزمەتىندە وتكەن ونلاين-سۇحبات بارىسىندا الماتى قالالىق بالالار كلينيكالىق ينفەكتسيالىق اۋرۋحاناسىنىڭ دارىگەر-ساراپشىسى عاليا قۇتتىقوجانوۆا، اتا-انالارعا بالالار اراسىنداعى اۋرۋدىڭ الدىن الۋ ءۇشىن ساقتىق شارالارىنا مۇقيات بولىڭىزدار، دەپ كەڭەس بەردى.
"اتا-انالار بالالارمەن كوپ جەرلەردە جۇرمەۋى كەرەك، سىرتقى بايلانىستاردى ازايتىپ، ماسكا تاعۋى كەرەك. گيگيەنانى ساقتاپ، يممۋنيتەتتى ارتتىرۋ قاجەت. اسقىنعان جاعدايدا ءوزىن - ءوزى ەمدەۋمەن اينالىسپاي، دارىگەرلەرگە جۇگىنۋ كەرەك", - دەپ ەسكەرتتى گ.قۇتتىقوجانوۆا.
ەپيدەميولوگيالىق تۇراقسىزدىق كەزەڭىندە سانيتارلىق تالاپتاردى ەلەمەگەن جاعدايدا بالالاردىڭ دەرتى اسقىنۋى مۇمكىن.
قۇتتىقوجانوۆانىڭ حابارلاۋىنشا، كاۆاساكي سيندرومى ساۋىردەن كەيىن پايدا بولعان. بۇل ءجيى كەزدەسە بەرمەيتىن سينرومداردىڭ ءبىرى. كاۆاساكي سيندرومىنىڭ كەڭ تارالۋى كوروناۆيرۋسقا بايلانىستى بولۋى مۇمكىن.
"كاۆاساكي اۋرۋى كەزىندە بەزگەك كەم دەگەندە 5 كۇن بولادى. الاشقى بەلگىلەرى: كوزدىڭ قىزارۋى، اۋىز قۋىسىنىڭ شىرىشتى قابىعىنىڭ گيپەرەمياسى، ەرىننىڭ زاقىمدانۋى، بورتپە، مۇرىننىڭ قابىرشاقتانۋى، اياق - قول مەن تاباننىڭ ءىسىنۋى جانە مويىن ليمفا تۇيىندەرىنىڭ ۇلعايۋى", - دەدى ول.
بالالاردا كاۆاساكي بەلگىلەرى بايقالماۋى مۇمكىن. الايدا، اۋرۋدى اسقىندىرىپ الماۋ ءۇشىن ولاردى ەرتەرەك اجىراتىپ، دەر كەزىندە ەم قابىلداۋدى باستاۋ قاجەت.
ەسكە سالايىق، قازاقستاندا كاۆاساكي سيندرومىمەن اۋىرعان بالالار سانى 16-عا جەتتى.
