Almatylyq ınfekıonıster álemde Kavasakı sındromynyń keń taralyp jatqanyn jetkizdi, dep habarlaıdy Stan.kz aqparat agenttigi.
Óńirlik kommýnıkaııalar qyzmetinde ótken onlaın-suhbat barysynda Almaty qalalyq balalar klınıkalyq ınfekııalyq aýrýhanasynyń dáriger-sarapshysy Ǵalııa Quttyqojanova, ata-analarǵa balalar arasyndaǵy aýrýdyń aldyn alý úshin saqtyq sharalaryna muqııat bolyńyzdar, dep keńes berdi.
"Ata-analar balalarmen kóp jerlerde júrmeýi kerek, syrtqy baılanystardy azaıtyp, maska taǵýy kerek. Gıgıenany saqtap, ımmýnıtetti arttyrý qajet. Asqynǵan jaǵdaıda ózin - ózi emdeýmen aınalyspaı, dárigerlerge júginý kerek", - dep eskertti G.Quttyqojanova.
Epıdemıologııalyq turaqsyzdyq kezeńinde sanıtarlyq talaptardy elemegen jaǵdaıda balalardyń derti asqynýy múmkin.
Quttyqojanovanyń habarlaýynsha, Kavasakı sındromy sáýirden keıin paıda bolǵan. Bul jıi kezdese bermeıtin sınromdardyń biri. Kavasakı sındromynyń keń taralýy koronavırýsqa baılanysty bolýy múmkin.
"Kavasakı aýrýy kezinde bezgek kem degende 5 kún bolady. Alashqy belgileri: kózdiń qyzarýy, aýyz qýysynyń shyryshty qabyǵynyń gıperemııasy, erinniń zaqymdanýy, bórtpe, murynnyń qabyrshaqtanýy, aıaq - qol men tabannyń isinýi jáne moıyn lımfa túıinderiniń ulǵaıýy", - dedi ol.
Balalarda Kavasakı belgileri baıqalmaýy múmkin. Alaıda, aýrýdy asqyndyryp almaý úshin olardy erterek ajyratyp, der kezinde em qabyldaýdy bastaý qajet.
Eske salaıyq, Qazaqstanda Kavasakı sındromymen aýyrǵan balalar sany 16-ǵa jetti.
