Freedom Finance Insurance كومپانياسى زەرتتەۋ بارىسىندا قازاقستاندىقتاردىڭ قاي وتىن ءتۇرىن ءجيى پايدالاناتىنىن انىقتادى، - دەپ حابارلايدى «ادىرنا» ۇلتتىق پورتالى، قازاقپارات-قا سىلتەمە جاساپ.
قر ۇەم ستاتيستيكا كوميتەتىنىڭ مالىمەتىنشە، 2020 جىلدىڭ 1 شىلدەسىندە قازاقستاندا 3,9 ملن جەڭىل اۆتوماشينا تىركەلگەن. بۇل بىلتىرعى جىلمەن سالىستىرعاندا 5% ارتىق. تىركەلگەن اۆتوموبيل سانى بويىنشا كوشباسشى - بۇرىنعىشا الماتى وبلىسى جانە الماتى قالاسى. الايدا، 2020 جىلى اتالعان ەكى اۋماقتا اۆتوماشينا سانى 1% قىسقاردى (491 061 جانە 468 495). قازاقستاندىقتاردىڭ 88,8% بەنزين قۇيادى، ال 7,4% – ارالاس وتىن، 1,9% – ديزەل، 0,1% – گازباللون پايدالانادى، ال 0,01% ەلەكترمەن قۋاتتايدى. كوپشىلىگى بەنزين قۇياتىنىنا قاراماستان، كەي اۋماقتاردا جۇرگىزۋشىلەر ارالاس وتىندى پايدالانۋدى ۇناتادى.
قازاقستاندىقتار قاي جانارمايدى ءجيى قۇيادى؟
بەنزين. ەلىمىزدە 3 454 104 جەڭىل اۆتوماشينا بەنزين قۇيادى. ونىڭ كوبى الماتى قالاسىندا (12%), نۇر-سۇلتان قالاسىندا (7%), الماتى (13%), شىعىس قازاقستان - (8%), قاراعاندى (8%) جانە وڭتۇستىك قازاقستان وبلىستارىندا (6%). بەنزيندى تۇركىستان جانە ماڭعىستاۋ وبلىستارىندا سيرەك قولدانادى. وندا بار بولعانى 2% بەنزين قۇياتىن اۆتوماشينا تىركەلگەن.
ديزەل وتىنى. 75 313 اۆتوكولىك يەلەرى ديزەل قۇيادى. ديزەل وتىنىن پايدالانۋ جەتەكشىسى رەتىندە الماتى (25%) جانە الماتى وبلىسى (16%) اۆتوماشينالارى تابىلادى. ەڭ از «ديزەلدىك» اۆتو كىزىلوردا (2%), پاۆلودار (1%) جانە اقتوبە وبلىستارىندا (1%).
گازوباللون وتىنى. بۇنداي وتىندى قازاقستاندا بار بولعانى 3 772 اۆتوموبيل قۇيادى. گازوباللون وتىنىن پايدالاناتىن كولىك قۇرالدارى كوبىنە الماتى قالاسىندا (14%), نۇر-سۇلتان قالاسىندا (4%) جانە الماتى وبلىسىندا (4%) كەزدەسەدى. گاز پايدالاناتىن جەڭىل اۆتوماشينالاردىڭ ەڭ از پايىزدىق سانى – قوستاناي، باتىس قازاقستان جانە شىعىس قازاقستان وبلىستارىندا. بۇل اۋماقتاردا جيىنتىعىمەن العاندا، 123 اۆتوموبيل گازوباللون وتىنىندا جۇرەدى.
ارالاس وتىن. بۇل وتىن ءتۇرىن پايدالاناتىن جەڭىل اۆتوماشينالاردىڭ جالپى سانى – 286 793 بىرلىك. گيبريد ءتۇرىن ۇناتاتىندار كوپشىلىگى ماڭعىستاۋ جانە اقتوبە وبلىستارىندا – 26% جانە 12% سايكەس. اۆتوكولىك يەلەرى ارالاس وتىنىن ەڭ از پايدالاناتىن اۋماقتارى پاۆلودار (2%)جانە شىعىس قازاقستان وبلىستارىندا (1%).
ەلەكتر قۋاتى. قر بار بولعانى 582 ەلەكتروموبيل تىركەلگەن. ونىڭ ىشىندە، 438 بىرلىگى اۋماعى انىقتالماي تىركەلگەن. ەڭ كوپ ەلەكتروموبيل سانى الماتى قالاسىندا تىركەلگەن – 62 بىرلىك. الايدا، بىلتىرعى سانى 18-دەن اسقان. نۇر-سۇلتان قالاسىندا ءبىر جىل ىشىندە ەلەكتروموبيل سانى جەتەۋگە كەمىگەن (قازىر 44 اۆتو تىركەلگەن). قوستاناي وبلىسىندا – 13 ەلەكتروموبيل. ەلەكتر قۋاتىمەن جۇرەتىن جەڭىل اۆتوماشينالارى تىركەلگەن نولدىك كورسەتكىشى – اتىراۋ، تۇركىستان، شىعىس قازاقستان وبلىستارىندا جانە شىمكەنت قالاسىندا.
وتىننىڭ قاي ءتۇرى ەڭ ۇنەمدى؟
ەلەكتر قۋاتى
البەتتە، ەلەكتروموبيلدەر باسقا كولىك قۇرالدارىنا قاراعاندا، ەكولوگيا تۇرعىسىنان پايدالى، سەبەبى كومىرتەگى شىعارىندىسى جوق، بىراق ولار قىمباتقا تۇسەدى جانە «قۇيۋى» ۇزاق. اۆتوماشينانى ەلەكترمەن قۋاتتاۋ ءۇشىن 40 مينۋت ۋاقىت كەتەدى، ال قاراپايىم بەكەتتە ماشينالار 5 مينۋتتان ارتىق تۇرمايدى.
ديزەل
بەنزين مودەلدەرىمەن سالىستىرساق، ديزەل ارقىلى جۇرەتىن اۆتوماشينا تازا جانە شۋسىز دەپ سانالادى. سونىمەن قاتار، ولاردىڭ وتىن شىعىنى بەنزيندىك اۆتوماشينالارعا قاراعاندا ازىراق.
گاز
بەنزيننەن ارزان تۇرادى. بىراق گاز اۆتولارى ءبىر قۇيىلماسىمەن، ديزەل جانە بەنزين قۇيىلماسى بار اۆتوماشينالاردان كەم جول جۇرەدى . تاعى ءبىر مينۋسى بار – گاز باللوندارى ىقشام دەپ سانالمايدى. ولار جەڭىل اۆتوماشينادا كوپ ورىن الادى.
ارالاس وتىن
بۇل ءتۇرىن الساق، شىعىنى ديزەل جانە بەنزين نەمەسە تازا بەنزيندىك اۆتولارىنا قاراعاندا از. دەمەك، گيبريدتەر ۇزاق جانە ءجيى ءجۇرۋ كەزىندە ءتيىمدى، اسىرەسە قالا جاعدايلارىندا.
بەنزين
ەلەكتروموبيل، گيبريد، گاز جانە ديزەلدىك اۆتوماشينالارىنىڭ جاعىمدى جاقتارىن العانمەن، ىشكى جانۋ قوزعالتقىشى بار كولىگى ۇنەمدى جانە قولايلى بولۋى مۇمكىن. مىسالى، قوزعالتقىش كولەمى شاعىن اۆتوماشينالار وتىن شىعىنىن ۇنەمدەيدى، اسىرەسە ۇزاق قاشىقتىقتا. سونداي-اق، اتالعان ماشينالاردىڭ قۇنى گيبريدتىك كولىك پەن ەلەكتروموبيلدەرگە قاراعاندا قولجەتىمدى. مامانداردىڭ ايتۋىنشا، ەڭ ۇنەمدى وتىن ءتۇرى تۋرالى ءبىر ماعىنالى جاۋاپ بەرۋ مۇمكىن ەمەس. ءار كولىك يەسى، باعاسى، مودەلى، وتىن ءتۇرى جانە باسقا كريتەريلەرى قولايلى اۆتوماشيناسىن ءوزى تاڭدايدى.
فوتو اشىق دەرەككوزدەن الىندى
