وتكەن اپتادا قازاقتىڭ ءبىر توپ ازاماتى كيەۆتە سااكاشۆيليمەن كەزدەسكەنى ءمالىم. گرۋزيانىڭ بۇرىنعى پرەزيدەنتىمەن ءبىزدىڭ ازاماتتار نە ءۇشىن كەزدەستى؟ بۇل سۇراققا 31 ارنا ءتىلشىسى جاۋاپ ىزدەپ كورىپتى دەپ جازادى Stan.kz.
ءتۇرلى-ءتۇستى رەۆوليۋتسيادان سوڭ 36 جاسىندا گرۋزيانىڭ پرەزيدەنتى بولىپ، گرۋزيانىڭ ابدەن ءىرىپ-شىرىگەن ساياسي جۇيەسىن جەمقورلىقتان ارىلتقان رەفورماتوردىڭ بۇل جيىندا ايتقان ءسوزىن ءار ازامات وزىنشە تالقىعا سالىپ جاتتى. سااكاشۆيلي بۇنداي كەزدەسۋدى ۇيىمداستىرعانى ءۇشىن مارعۇلان سەيسەنبايعا العىس تا ءبىلدىرىپتى.
ارمان شوراەۆ، قۋانىش شوڭباي، ولجاس قۇدايبەرگەنوۆ، توعجان قوجاعاليەۆا سياقتى قوعامدىق ىستەرگە ارالاسىپ جۇرگەن ءتۇرلى سالاداعى قىزمەت اتقاراتىن ءبىر توپ ازاماتتى ميحايل سااكاشۆيلي تۋرا ۇيىنە شاقىرىپتى. ساياساتكەردىڭ ون جۇزدىك اۋماقتى عانا الىپ جاتقانجانە 75 شارىمەتردەن اسپايتىن ءۇيىنىڭ الدىندا بارلىعى 20 شاقتى قازاق ازاماتى جينالعان.
قازىرگى تاڭدا ۋكراينانىڭ ۇلتتىق رەفورما كەڭەسىنڭ توراعاسى بولىپ ىستەيتىن ميحايل سااكاشۆيلي ءوزىنىڭ Facebook پاراقشاسىندا ءوزىنىڭ گرۋزيا مەن ۋكرايناداعى جۇرگىزگەن رەفورمالار توڭىرەگىندە تاجىريبەسىمەن بولىسكەنىن جازادى. ال توعجان قوجاعاليەۆانىڭ سوزىنشە بەيرەسمي وتكەن 4 ساعاتقا سوزىلعان كەزدەسۋدە سااكاشۆيلي قازاقستاندا قالاي رەفورما جاساۋ كەرەكتىگى تۋرالى ويلارىن ايتىپ كەڭەس بەرگەن. كەزدەسۋ سوڭىندا الماتىداعى ۋنيۆەرسيتەتتەردىڭ بىرىندە سااكشۆيلي ورتالىعىن اشۋ تۋرالى كەلىسىم جاساسقان. وسى ءۇشىن سااكشۆيلي قازاقستانعا كەلۋ مۇمكىن.
"ەڭ ءبىرىنشى شاراسى - مەملەكەتتىڭ ءار ءتۇرلى سالالاردا رەگۋلياتسيادان كەتۋ. ەگەر ودان كەتسە جەمقورلىق ازايادى. قاندايدا ءبىر قۇجاتتارعا قول قويۋ ازايسا، وندا جەمقورلىق تا ازايادى دەگەن تۇجىرىمدى ايتتى ", - دەيدى توعجان قوجاعاليەۆا.
فوتو اشىق دەرەككوزدەن الىندى.
