الماتى قالاسى باس سانيتار دارىگەرى جانداربەك بەكشين بۇگىنگى وتكەن ونلاين بريفينگتە قىركۇيەك ايىندا قالاعا كارانتين ەنگىزىلە مە دەگەن سۇراققا جاۋاپ بەردى دەپ حابارلايدى "ادىرنا" ءتىلشىسى KAZ.NUR.KZ-كە سىلتەمە جاساپ.
جانداربەك بەكشين كارانتين شارالارى قىركۇيەك ايىندا باسەڭدەي مە دەگەن ساۋالعا دا جاۋاپ قاتتى. ونىڭ سوزىنشە، قازىرگى شەكتەۋ شارالارىن جەڭىلدەتۋدىڭ ناتيجەسىن ەكى -ءۇش اپتادان كەيىن ينكۋباتسيالىق كەزەڭ اياقتالعان سوڭ كورۋگە بولادى.
"ارينە، كارانتين بولمايدى. بىراق، جاعداي قيىنداپ كەتسە، شەكتەۋ شارالارىن ەنگىزۋگە تۋرا كەلەدى. ەگەر جاعداي جاقسى بولسا، شەكتەۋ شارالارىن جەڭىلدەتۋ ماسەلەلەرى قارالاتىن بولادى. ءبىز حالىقتىڭ قالىپتى ومىرگە ورالعانىن قالايمىز. ءبىزدىڭ جانۇيالارىمىز دا شەكتەۋ جاعدايىندا وتىر",- دەدى سانيتار دارىگەر.
بەكشيننىڭ سوزىنشە، قازىر ەلدە اۋرۋ جۇقتىرۋ دەڭگەيى باسەڭدەپ كەلەدى. وسىعان دەيىن كۇندەلىكتى ءوسىم 3,5 پايىز بولسا، قازىرگى كورسەتكىش 0,1 پايىزدى قۇراپ وتىر.
ايتا كەتەيىك، بۇگىنگى ونلاين-بريفينگ بارىسىندا الماتى باس سانيتار دارىگەرى جانداربەك بەكشين الداعى دەمالىس كۇندەرى وڭتۇستىك استانادا قانداي نىساندار جۇمىس ىستەمەيتىنىن ايتقان ەدى.
ء"بىز تاۋلاردى اشقان سوڭ ءار بۇتاقتىڭ استىنان پيكنيكتەر ۇيىمداستىرىپ، كاۋاپ پىسىرگەندەردى كوردىك. دەمالىس كۇندەرى بۇرىنعى تىيىمدار ساقتالادى، بازارلار مەن سۇلۋلىق سالوندارى، مونشالار مەن ساۋنالار جۇمىس ىستەمەيدى.
قالا تۇرعىندارىنا ۇندەۋ جاساعىم كەلەدى. ءبىز تەك قاتاڭ شارالاردى ساقتاۋ ارقىلى عانا قالاداعى جاعدايدى تۇراقتاندىرا الدىق. ايتپەگەن جاعدايدا كوروناۆيرۋس تاراۋىنىڭ تاعى ءبىر قاۋپى تۋىندايدى",- دەگەن ەدى بەكشين.
"ادىرنا" ۇلتتىق پورتالى
