Almatyǵa qyrkúıek aıynda karantın engizile me: Bekshın jaýap berdi

2323
Adyrna.kz Telegram

Almaty qalasy bas sanıtar dárigeri Jandarbek Bekshın búgingi ótken onlaın brıfıngte qyrkúıek aıynda qalaǵa karantın engizile me degen suraqqa jaýap berdi dep habarlaıdy "Adyrna" tilshisi KAZ.NUR.KZ-ke silteme jasap.

Jandarbek Bekshın karantın sharalary qyrkúıek aıynda báseńdeı me degen saýalǵa da jaýap qatty. Onyń sózinshe, qazirgi shekteý sharalaryn jeńildetýdiń nátıjesin eki -úsh aptadan keıin ınkýbaııalyq kezeń aıaqtalǵan soń kórýge bolady.

"Árıne, karantın bolmaıdy. Biraq, jaǵdaı qıyndap ketse, shekteý sharalaryn engizýge týra keledi. Eger jaǵdaı jaqsy bolsa, shekteý sharalaryn jeńildetý máseleleri qaralatyn bolady. Biz halyqtyń qalypty ómirge oralǵanyn qalaımyz. Bizdiń januıalarymyz da shekteý jaǵdaıynda otyr",- dedi sanıtar dáriger.

Bekshınniń sózinshe, qazir elde aýrý juqtyrý deńgeıi báseńdep keledi. Osyǵan deıin kúndelikti ósim 3,5 paıyz bolsa, qazirgi kórsetkish 0,1 paıyzdy qurap otyr.

Aıta keteıik, búgingi onlaın-brıfıng barysynda Almaty bas sanıtar dárigeri Jandarbek Bekshın aldaǵy demalys kúnderi ońtústik astanada qandaı nysandar jumys istemeıtinin aıtqan edi.

"Biz taýlardy ashqan soń ár butaqtyń astynan pıknıkter uıymdastyryp, káýap pisirgenderdi kórdik. Demalys kúnderi burynǵy tyıymdar saqtalady, bazarlar men sulýlyq salondary, monshalar men saýnalar jumys istemeıdi.

Qala turǵyndaryna úndeý jasaǵym keledi. Biz tek qatań sharalardy saqtaý arqyly ǵana qaladaǵy jaǵdaıdy turaqtandyra aldyq. Áıtpegen jaǵdaıda koronavırýs taraýynyń taǵy bir qaýpi týyndaıdy",- degen edi Bekshın.

"Adyrna" ulttyq portaly

Pikirler