شوكولادتىڭ ءبىز بىلمەيتىن قانداي پايداسى بار؟

6299
Adyrna.kz Telegram

شوكولادتى جاقسى كورمەيتىن ادام كەمدە-كەم. كاكاو ۇنتاعىنان جاسالاتىن كونديتەرلىك ءونىم ەڭ العاش امەريكادا پايدا بولعان. نازارلارىڭىزعا شوكولادتىڭ ادام اعزاسىنا تيگىزەر پايداسىن ۇسىنامىز.

شوكولاد جۇرەككە پايدالى

كەمبريدج ۋنيۆەرسيتەتى جۇرگىزگەن زەرتتەۋلەرگە سايكەس شوكولادتى جەپ تۇرۋ جۇرەك-قان تامىرلارى اۋرۋلارىنىڭ پايدا بولۋ قاۋپىن ءۇش ەسە ازايتادى.

كءوءڭىل-كۇيدى كوتەرەدى

شوكولاد جاساۋ ءۇشىن قولدانىلاتىن كاكاو بۇرشاقتارىندا ماگني بار. ول سترەسس پەن دەپرەسسيانى جەڭۋگە كومەكتەسەدى، الاڭداۋشىلىق سەزىمىن جويادى.

ارىقتاۋعا كومەكتەسەدى

شوكولادتى قۇرايتىن ينگرەديەنتتەر مەتابوليزمدى جاقسارتادى. ول جاسۋشا قۋاتىنىڭ تيىمدىلىگىن ارتتىرادى جانە جينالعان مايلاردى بەيتاراپتاندىرادى.

ەستە ساقتاۋ قىزمەتىن جاقسارتادى

يتالياندىق عالىمدار قارتتارعا شوكولادتى كوپ جەگىزۋ ارقىلى زەرتتەۋ جۇمىسىن جۇرگىزدى. ناتيجەسىندە قارتتاردىڭ ەستە ساقتاۋ قىزمەتىنىن جاقسارىپ ، ماسەلەلەردى شەشۋ جىلدامدىعىنىن ارتقانىن انىقتادى.

شوكولاد - جوتەلگە ارنالعان كەرەمەت ءدارى

عالىمدار شوكولادتا كەزدەسەتىن تەوبرومين بارلىق جوتەلگە قارسى ءدارى-دارمەكتەردە كەزدەسەتىن كودەينگە قاراعاندا  تيىمدى ەكەنىن انىقتادى. تەوبرومين برونحتى كەڭەيتەدى جانە جوتەلدى جەڭىلدەتەدى، ءتىپتى ونى ازايتادى دەۋگە بولادى.

شوكولاد ەر ادامداردىڭ ينسۋلين الۋ قاۋپىن ازايتۋعا كومەكتەسەدى

اپتاسىنا ءبىر رەت  شوكولاد جەپ تۇرۋ ينسۋلت قاۋپىن الداعى 10 جىل ىشىندە 17% - عا تومەندەتەدى.

ءوءمىر ءسۇرۋ جاسىن ۇزارتادى

گارۆارد تۇلەكتەرىنىڭ 18 جىلدان استام ۋاقىت بويى جۇرگىزىلگەن زەرتتەۋلەرى شوكولادتى ۇنەمى جەيتىندەردىڭ بۇل ءونىمدى پايدالانبايتىندارعا قاراعاندا ءبىر جىل ارتىق ءومىر سۇرەتىنىن انىقتادى.

شوكالاد اقىلدىلار ءۇشىن

The New England Journal of Medicine زەرتتەۋلەرىنە سايكەس، شوكولادتى كوپ تۇتىناتىن 23 ەلدىڭ ءتىزىمى نوبەل سىيلىعىنىڭ لاۋرەاتتارى كوپ ەلدەردىڭ تىزىمىمەن سايكەس كەلەدى.

ديانا اسان،

«ادىرنا» ۇلتتىق پورتالى

پىكىرلەر