ماحاتما گاندي – ءۇندىستان ۇلت-ازاتتىق قوزعالىسىنىڭ قايراتكەرى. 1947 جىلى ەلىنە قانتوگىسسىز تاۋەلسىزدىك الىپ بەرگەن بۇل تۇلعانى بۇكىل الەم بىلەدى. نازارلارىڭىزعا اڭىز ادامنىڭ ءومىرىڭىزدى جاقسى جاعىنا وزگەرتۋگە سەپتىگىن تيگىزەتىن 10 كەڭەسىن ۇسىنامىز.
ءوزىڭىزدى وزگەرتىڭىز
"ەگەر ءسىز الەمنىڭ وزگەرگەنىن قالاساڭىز، وندا ءوزىڭىز سول وزگەرىسكە اينالىڭىز"
ويلارىڭىزدى وزگەرتۋ ارقىلى ءسىزدىڭ سەزىمدەرىڭىز بەن ارەكەتتەرىڭىز دە وزگەرەدى. وسىنىڭ ارقاسىندا اينالاڭىزداعى الەم وزگەرەدى. جان دۇنيەڭىزدە بولاتىن ىشكى وزگەرىستەر ءسىزدىڭ بۇرىنعى ارەكەتتەرىڭىزگە سۇيەنە وتىرىپ، ىستەمەگەن نارسەنى جاساۋعا مۇمكىندىك بەرەدى.
ءوزىڭىزدى باقىلاۋعا الىڭىز
"مەنىڭ كەلىسىمىمسىز ماعان ەشكىم زيان كەلتىرە المايدى"
ءسىزدىڭ بىر نارسەنى قالاي قابىلداعانىڭىز ارقاشان سىزگە بايلانىستى بولادى. ءارتۇرلى جاعدايلارداعى "تيپتىك" مىنەز-قۇلىق بولۋى مۇمكىن، بىراق كوپ جاعدايدا ءسىز نەنى ويلاپ ، نە تاڭدايتىنىڭىزدى وزىڭىز شەشە الاسىز. بۇل بىردەن بولماۋى مۇمكىن. ءوزىڭىزدى قولعا الىڭىز.
كەشىرىڭىز جانە ۇمىتىڭىز
"السىزدەر ەشقاشان كەشىرمەيدى. كەشىرۋ تەك مىقتىلاردىڭ قولىنان كەلەدى"
قاتىگەزدىكتى قاتىگەزدىكپەن جەڭە المايسىز. ەگەر ءسىز كەشىرمەسەڭىز، وتكەنىڭىزگە جانە ادامدارعا ءوز سەزىمدەرىڭىزدى باسقارۋعا مۇمكىندىك بەرىڭىز. كەشىرىمدى بولۋ ارقىلى نازارىڭىزدى باسقا نارسەگە اۋدارىپ، جەڭىلدەيسىز.
ءىس-ارەكەت جاساماي ەش نارسەگە جەتە المايسىز
"كىشكەنتاي عانا ءوز تاجىريبەڭىز وزگەنىڭ تاۋداي ۇيرەتۋىنەن ارتىق”
ارەكەتسىز جەتىستىككە جەتە المايسىز. وز-ءوزىڭىزدى الداماي، قيمىلداڭىز. سول كەزدە عانا ناقتىلى ناتيجەگە قول جەتكىزەسىز. اسپاننان ەشتەمە جايدان-جاي سالبىراپ تۇسپەيدى.
بۇگىنمەن ءومىر ءسۇرىڭىز
"بولاشاقتى بولجاعىم كەلمەيدى، سەبەبى مەنى قازىرگى جاعداي قىزىقتىرادى. قۇداي ماعان ەندى بولاتىن وقيعالاردى باسقارا الاتىن مۇمكىندىك بەرگەن جوق"
ىشكى قارسىلاسۋدى جەڭۋدىڭ ەڭ جاقسى ءتاسىلى - بۇگىنمەن ءومىر ءسۇرۋ. نەگە؟ ەگەر ءسىز قازىرگى ۋاقىتپەن ءومىر سۇرسەڭىز، بۇدان كەيىن نە بولاتىنى تۋرالى الاڭدامايسىز، ويتكەنى ونى ءبارىبىر دە باسقارا المايسىز. سول سەبەپتى بۇگىنگى جاعدايدى ويلاپ، العا جىلجىڭىز.
ءبىز جاي عانا ادامبىز
"مەن كەز-كەلگەن ادام سياقتى قاتەلەسەمىن. الايدا مەن قاتەلىكتەرىمدى مويىنداي الامىن”
وسى قاعيدانى ۇمىتپاۋ كەرەك. ءوز قاتەلىكتەرىڭىزبەن جۇمىس جاساي ءبىلىڭىز. ءار ادام قاتەلەسۋگە قۇقىلى، سەبەبى جاڭىلمايتىن جاق، سۇرىنبەيتىن تۇياق بولمايدى. باستىسى سول قاتەلىكتەردى جەڭۋگە، قايتالاماۋعا ۇمتىلىڭىز. ءمىنسىز بولۋعا تالپىنباڭىز.
تاباندى بولىڭىز
"الدىمەن ولار سەنى بايقامايدى، سوسىن كۇلەدى، سوسىن سەنىمەن كۇرەسەدى، سودان كەيىن سەن جەڭەسىڭ"
تاباندى بولىڭىز. ۋاقىت وتە كەلە اينالاڭىزداعى ەلەمەۋ ازايادى، سودان كەيىن تولىعىمەن جويىلادى. وزىڭىزدىڭ نەنى ۇناتاتىنىڭىزدى انىقتاڭىز. بۇل سىزدەگى موتيۆاتسيانى وياتىپ، العا قادام جاساۋىڭىزعا ىقپال ەتەدى.
ديانا اسان،
«ادىرنا» ۇلتتىق پورتالى
