Mahatma Gandı – Úndistan ult-azattyq qozǵalysynyń qaıratkeri. 1947 jyly eline qantógissiz táýelsizdik alyp bergen bul tulǵany búkil álem biledi. Nazarlaryńyzǵa ańyz adamnyń ómirińizdi jaqsy jaǵyna ózgertýge septigin tıgizetin 10 keńesin usynamyz.
Ózińizdi ózgertińiz
"Eger siz álemniń ózgergenin qalasańyz, onda ózińiz sol ózgeriske aınalyńyz"
Oılaryńyzdy ózgertý arqyly sizdiń sezimderińiz ben áreketterińiz de ózgeredi. Osynyń arqasynda aınalańyzdaǵy álem ózgeredi. Jan dúnıeńizde bolatyn ishki ózgerister sizdiń burynǵy áreketterińizge súıene otyryp, istemegen nárseni jasaýǵa múmkindik beredi.
Ózińizdi baqylaýǵa alyńyz
"Meniń kelisimimsiz maǵan eshkim zııan keltire almaıdy"
Sizdiń bir nárseni qalaı qabyldaǵanyńyz árqashan sizge baılanysty bolady. Ártúrli jaǵdaılardaǵy "tıptik" minez-qulyq bolýy múmkin, biraq kóp jaǵdaıda siz neni oılap , ne tańdaıtynyńyzdy ózińiz sheshe alasyz. Bul birden bolmaýy múmkin. Ózińizdi qolǵa alyńyz.
Keshirińiz jáne umytyńyz
"Álsizder eshqashan keshirmeıdi. Keshirý tek myqtylardyń qolynan keledi"
Qatigezdikti qatigezdikpen jeńe almaısyz. Eger siz keshirmeseńiz, ótkenińizge jáne adamdarǵa óz sezimderińizdi basqarýǵa múmkindik berińiz. Keshirimdi bolý arqyly nazaryńyzdy basqa nársege aýdaryp, jeńildeısiz.
Is-áreket jasamaı esh nársege jete almaısyz
"Kishkentaı ǵana óz tájirıbeńiz ózgeniń taýdaı úıretýinen artyq”
Áreketsiz jetistikke jete almaısyz. Óz-ózińizdi aldamaı, qımyldańyz. Sol kezde ǵana naqtyly nátıjege qol jetkizesiz. Aspannan eshteme jaıdan-jaı salbyrap túspeıdi.
Búginmen ómir súrińiz
"Bolashaqty boljaǵym kelmeıdi, sebebi meni qazirgi jaǵdaı qyzyqtyrady. Qudaı maǵan endi bolatyn oqıǵalardy basqara alatyn múmkindik bergen joq"
Ishki qarsylasýdy jeńýdiń eń jaqsy tásili - búginmen ómir súrý. Nege? Eger siz qazirgi ýaqytpen ómir súrseńiz, budan keıin ne bolatyny týraly alańdamaısyz, óıtkeni ony báribir de basqara almaısyz. Sol sebepti búgingi jaǵdaıdy oılap, alǵa jyljyńyz.
Biz jaı ǵana adambyz
"Men kez-kelgen adam sııaqty qatelesemin. Alaıda men qatelikterimdi moıyndaı alamyn”
Osy qaǵıdany umytpaý kerek. Óz qatelikterińizben jumys jasaı bilińiz. Ár adam qatelesýge quqyly, sebebi jańylmaıtyn jaq, súrinbeıtin tuıaq bolmaıdy. Bastysy sol qatelikterdi jeńýge, qaıtalamaýǵa umtylyńyz. Minsiz bolýǵa talpynbańyz.
Tabandy bolyńyz
"Aldymen olar seni baıqamaıdy, sosyn kúledi, sosyn senimen kúresedi, sodan keıin sen jeńesiń"
Tabandy bolyńyz. Ýaqyt óte kele aınalańyzdaǵy elemeý azaıady, sodan keıin tolyǵymen joıylady. Ózińizdiń neni unatatynyńyzdy anyqtańyz. Bul sizdegi motıvaııany oıatyp, alǵa qadam jasaýyńyzǵa yqpal etedi.
Dıana ASAN,
«Adyrna» ulttyq portaly
