تەلەگرامدا پەدوفيليزمگە شاقىراتىن كانال ىسكە قوسىلدى. وندا ەر ادامدار باسقا ازاماتتارعا جىنىستىق زورلىق-زومبىلىقتى ناسيحاتتاپ، “قۇربانىن” قالاي تاڭداۋعا بولاتىندىعىن تۇسىندىرەدى. قازىرگى تاڭدا كانال جۇمىسى توقتاتىلدى.
تومەندە ەرىكتىلەر ءتۇسىرىپ ۇلگەرگەن جازبالار. كانالدا ءوز قۇربانىنا قالاي جاقىنداپ، ارەكەت ەتۋ امالدارى جايلى كەڭەستەر بەرىلگەن.
تەلەگرامنان بولەك ينستاگرام الەۋمەتتىك جەلىسىندە دە اقپارات تاراتقان.
كانال قاشان پايدا بولدى؟
“ForttageClub” كانالى 2020 جىلى 29 ماۋسىمدا اشىلعان. كانالدا 100-150 شاقتى وقىرمان بولعان. ول جەردە جىگىتتەر قىزداردى قالاي “قولعا تۇسىرگەندىگى” جايلى ءوز وقيعالارىمەن ءبولىسىپ وتىرعان. سونىمەن قاتار وسى تاقىرىپتا “پايدالى كەڭەستەر” دە جاريالانعان.
مۇنىڭ بارلىعى جاس قىزدارعا جانە ەگدە جاستاعى ايەلدەرگە قاتىستى جاسالعان ناعىز زورلىق-زومبىلىققا اينالدى.
@net.nasiliyu قوزعالىسى:
“ولار ءۇشىن مۇنىڭ ءبارى ويىن. بىرىنشىدەن، بۇل ءوزىنىڭ ىشكى ەگوسىن قاناعاتتاندىرۋعا جانە بىرەۋ ءۇشىن ماڭىزدى ەكەندىگىن سەزدىرەتىن ويىن عانا. شىندىعىندا بالالىق شاقتا ولارعا وسى مەيىرىم جەتىسپەگەن. (بۇل - بولجام. ادەتتە ەر ادامداردا بالالىق شاقتا انا ماحابباتىنىڭ جەتكىلىكسىزدىگىنەن وسىنداي قاجەتتىلىك پايدا بولادى)
وكىنىشكە وراي، ءسىز پەدوفيليزمنەن ءوزىڭىزدى تولىقتاي قورعاي المايسىز! بىراق ءبىز ونى كوپشىلىككە جاريا ەتۋىمىز كەرەك. ارام ويلى ادامعا ساۋساعىڭىزدى كورسەتۋدەن ۇيالماڭىز جانە بۇل تۋرالى كوپشىلىكپەن بولىسۋدەن تارتىنباڭىز. كوبىنە زورلىقشىلار قىزداردىڭ قورقىپ، ۇندەمەگەندىگىنەن عانا باتىل بولادى. ەگەر ەشتەڭە بايقاماعانداي بۇعىپ جۇرە بەرسەڭىز، جان دۇنيەڭىزدە بىرنەشە اي بويى جازىلمايتىن جارا پايدا بولادى. سىزگە ۇيالشاقتىق ماڭىزدى ما، الدە زورلىق-زومبىلىقسىز قوعام با؟”
قازاقستانعا فەمينيزم كەرەك پە؟ بۇل سۇراق قوعامدا ءالى دە تالقىلانۋدا. وسىدان كەيىن بالكىم فەمينيزمدى قولداپ، ايەل قۇقىقتارىن قولعا الۋ كەرەك شىعار؟ كوزى قاراقتى كورەرمەن، ءسىز قالاي ويلايسىز؟
اياۋلىم ءابىلدا،
“ادىرنا” ۇلتتىق پورتالى
