Telegramda pedofılızmge shaqyratyn kanal iske qosyldy. Onda er adamdar basqa azamattarǵa jynystyq zorlyq-zombylyqty nasıhattap, “qurbanyn” qalaı tańdaýǵa bolatyndyǵyn túsindiredi. Qazirgi tańda kanal jumysy toqtatyldy.
Tómende eriktiler túsirip úlgergen jazbalar. Kanalda óz qurbanyna qalaı jaqyndap, áreket etý amaldary jaıly keńester berilgen.
Telegramnan bólek ınstagram áleýmettik jelisinde de aqparat taratqan.
Kanal qashan paıda boldy?
“ForttageClub” kanaly 2020 jyly 29 maýsymda ashylǵan. Kanalda 100-150 shaqty oqyrman bolǵan. Ol jerde jigitter qyzdardy qalaı “qolǵa túsirgendigi” jaıly óz oqıǵalarymen bólisip otyrǵan. Sonymen qatar osy taqyrypta “paıdaly keńester” de jarııalanǵan.
Munyń barlyǵy jas qyzdarǵa jáne egde jastaǵy áıelderge qatysty jasalǵan NAǴYZ ZORLYQ-ZOMBYLYQQA aınaldy.
@net.nasiliyu qozǵalysy:
“Olar úshin munyń bári oıyn. Birinshiden, bul óziniń ishki egosyn qanaǵattandyrýǵa jáne bireý úshin mańyzdy ekendigin sezdiretin oıyn ǵana. Shyndyǵynda balalyq shaqta olarǵa osy meıirim jetispegen. (Bul - boljam. Ádette er adamdarda balalyq shaqta ana mahabbatynyń jetkiliksizdiginen osyndaı qajettilik paıda bolady)
Ókinishke oraı, siz pedofılızmnen ózińizdi tolyqtaı qorǵaı almaısyz! Biraq biz ony kópshilikke jarııa etýimiz kerek. Aram oıly adamǵa saýsaǵyńyzdy kórsetýden uıalmańyz jáne bul týraly kópshilikpen bólisýden tartynbańyz. Kóbine zorlyqshylar qyzdardyń qorqyp, úndemegendiginen ǵana batyl bolady. Eger eshteńe baıqamaǵandaı buǵyp júre berseńiz, jan dúnıeńizde birneshe aı boıy jazylmaıtyn jara paıda bolady. Sizge uıalshaqtyq mańyzdy ma, álde ZORLYQ-ZOMBYLYQSYZ QOǴAM ba?”
Qazaqstanǵa femınızm kerek pe? Bul suraq qoǵamda áli de talqylanýda. Osydan keıin bálkim femınızmdi qoldap, áıel quqyqtaryn qolǵa alý kerek shyǵar? Kózi qaraqty kórermen, siz qalaı oılaısyz?
Aıaýlym ÁBILDA,
“Adyrna” ulttyq portaly
