ءىىم “بالالارعا قامقورلىق جاساڭىز” ءفيلمىن جاريالادى، وندا كامەلەتكە تولماعاندارعا قارسى زورلىق-زومبىلىق تاقىرىبى كوتەرىلەدى، – دەپ حابارلايدى«ادىرنا» ۇلتتىق پورتالى Polisia.kz-كە سىلتەمە جاساپ.
ماتەريالدا قىلمىستىق مالىمەتتەردەن سوڭعى ساندار كەلتىرىلگەن. ءىىم-ءنىڭ رەسمي ستاتيستيكاسى بويىنشا، 2020 جىلعى قاڭتار-تامىز ارالىعىندا كامەلەتكە تولماعاندارعا جىنىستىق قولسۇقپاۋشىلىققا قارسى 550 قىلمىس جاسالعان. ولاردىڭ كوپشىلىگى – 250 فاكتىسى كۇش قولدانۋ، بوپسالاۋ، قورقىتۋ نەمەسە بالانىڭ دارمەنسىزدىگىن پايدالانۋ ارقىلى ءابسوليۋتتى زورلىق-زومبىلىق جاعدايلارى. بۇل قىلمىستاردىڭ جارتىسىنان كوبىن بالانىڭ جاقىن ورتاسىنداعى ادامدار جاسايدى. جابىرلەنۋشى، ادەتتە، 14 جاستان اسپايدى.
ءىىم ماماندارى قۇقىق قورعاۋ ورگاندارى وسى قىلمىستاردىڭ سالدارىمەن كۇرەسىپ جاتقانىن جانە پوليتسيانىڭ كۇش-جىگەرىمەن، جازانى قاتاڭداتۋمەن عانا بۇل ماسەلە شەشىلمەيتىنىن اتاپ كورسەتەدى.
– بالالارعا، ونىڭ ىشىندە سەكسۋالدىق زورلىق-زومبىلىق ءۇشىن جاۋاپكەرشىلىكتىڭ كۇشەيۋىنە قاراماستان، مۇنداي فاكتىلەردىڭ سانى ازايماي وتىر. بۇل – ازاپتاۋ، ۇرىپ-سوعۋ، بوپسالاۋ، قاۋىپ-قاتەرلى جاعدايدا قالدىرۋ. ولاردىڭ ۇشتەن ءبىرى جىنىستىق قول سۇعىلماۋشىلىققا قاتىستى، – دەپ اتاپ ءوتتى ىشكى ىستەر ءمينيسترى ەرلان تۇرعىمباەۆ.
فيلمدە زورلاۋشىنىڭ جالپى پورترەتى، ازاماتتاردىڭ قاي ساناتتارى مۇنداي قىلمىستاردى ءجيى جاسايتىنى سۋرەتتەلگەن. سونداي-اق، ماتەريالدا جابىرلەنۋشىنى وڭالتۋ ماسەلەلەرى قاراستىرىلعان.
پوليتسيا قىزمەتكەرلەرى قوعامدا جىنىستىق تاربيە تاقىرىبىنىڭ جابىق ەكەنىن، ياعني ەرەسەكتەر بالالارعا قارسى جاسالعان قىلمىس فاكتىلەرىن جاسىراتىنى تۋرالى ماسەلەنى كوتەرەدى.
ءىىم قازاقستاندىقتارعا “بالالاردى بىرگە قورعايمىز” دەگەن ۇندەۋ تاستاپ، ازاماتتاردى كامەلەتكە تولماعاندارعا قاتىستى زورلىق-زومبىلىق ماسەلەسىن اشىق تالقىلاۋعا شاقىرادى.
“ادىرنا” ۇلتتىق پورتالى
