IIM “Balalarǵa qamqorlyq jasańyz” fılmin jarııalady, onda kámeletke tolmaǵandarǵa qarsy zorlyq-zombylyq taqyryby kóteriledi, – dep habarlaıdy«Adyrna» ulttyq portaly Polisia.kz-ke silteme jasap.
Materıalda qylmystyq málimetterden sońǵy sandar keltirilgen. IIM-niń resmı statıstıkasy boıynsha, 2020 jylǵy qańtar-tamyz aralyǵynda kámeletke tolmaǵandarǵa jynystyq qolsuqpaýshylyqqa qarsy 550 qylmys jasalǵan. Olardyń kópshiligi – 250 faktisi kúsh qoldaný, bopsalaý, qorqytý nemese balanyń dármensizdigin paıdalaný arqyly absolıýtti zorlyq-zombylyq jaǵdaılary. Bul qylmystardyń jartysynan kóbin balanyń jaqyn ortasyndaǵy adamdar jasaıdy. Jábirlenýshi, ádette, 14 jastan aspaıdy.
IIM mamandary quqyq qorǵaý organdary osy qylmystardyń saldarymen kúresip jatqanyn jáne polıııanyń kúsh-jigerimen, jazany qatańdatýmen ǵana bul másele sheshilmeıtinin atap kórsetedi.
– Balalarǵa, onyń ishinde seksýaldyq zorlyq-zombylyq úshin jaýapkershiliktiń kúsheıýine qaramastan, mundaı faktilerdiń sany azaımaı otyr. Bul – azaptaý, uryp-soǵý, bopsalaý, qaýip-qaterli jaǵdaıda qaldyrý. Olardyń úshten biri jynystyq qol suǵylmaýshylyqqa qatysty, – dep atap ótti Ishki ister mınıstri Erlan Turǵymbaev.
Fılmde zorlaýshynyń jalpy portreti, azamattardyń qaı sanattary mundaı qylmystardy jıi jasaıtyny sýrettelgen. Sondaı-aq, materıalda jábirlenýshini ońaltý máseleleri qarastyrylǵan.
Polıııa qyzmetkerleri qoǵamda jynystyq tárbıe taqyrybynyń jabyq ekenin, ıaǵnı eresekter balalarǵa qarsy jasalǵan qylmys faktilerin jasyratyny týraly máseleni kóteredi.
IIM qazaqstandyqtarǵa “Balalardy birge qorǵaımyz” degen úndeý tastap, azamattardy kámeletke tolmaǵandarǵa qatysty zorlyq-zombylyq máselesin ashyq talqylaýǵa shaqyrady.
“Adyrna” ulttyq portaly
