كوروناۆيرۋستىڭ ەكىنشى تولقىنىن بولدىرماۋعا بولادى، قازىر دارىگەرلەر بۇل ءۇشىن بارلىق قاجەتتى قۇرال-جابدىقتارعا يە. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ ستراتەگيالىق باستامالار جونىندەگى كومەكشىسى رانەري گۋەررا Corriere della Sera گازەتىنە بەرگەن سۇحباتىندا ايتتى، دەپ حابارلايدى bairaq.kz.
ونىڭ ايتۋىنشا، قازىرگى ۋاقىتتا يتاليادا ۆيرۋس جۇقتىرعانداردىڭ سانى وسۋدە، بىراق بۇل دياگنوستيكانىڭ جاقسارۋىمەن بايلانىستى. بۇل دەگەنىمىز، اۋىر ناۋقاستاردىڭ سانىن باقىلاۋعا بولادى. «ءبىز مۇنى وكىنىشكە وراي، اۋىر جاعدايدان كەيىن جاساپ ۇيرەندىك»، - دەدى مامان.
پاتسيەنتتەردىڭ ۇشتەن ءبىرى سيمپتومسىز تۇردە اۋىراتىنى ءۇمىت بەرە مە دەگەن سۇراققا ساراپشى «جوق» دەپ جاۋاپ بەردى. «ءبىز بۇگىن ءتىپتى وتە جەڭىل تۇردەگى اۋىرعان ناۋقاس دەنساۋلىعىنا زيان تيمەيتىنىنە سەنىمدى ەمەسپىز. كوروناۆيرۋستى مۇلدە جۇقتىرماعان دۇرىس»، - دەدى گۋەررا.
ۇلىبريتانيادا، گەرمانيادا جانە باسقا دا ەۋروپا ەلدەرىندە COVID-19 ستاتيستيكاسى ايتارلىقتاي وسكەن.
«ادىرنا» ۇلتتىق پورتالى
