بەلارۋس وپپوزيتسياسى جالپىحالىقتىق مارشقا دايىندالۋدا

1995

بەلارۋس بيلىگى  19 تامىزدا قۇرىلعان  ۇيلەستىرۋ كەڭەسىنىڭ ۇستىنەن قىلمىستىق ءىس قوزعادى. ال وپپوزيتسيالىق ۇيلەستىرۋ كەڭەسى 23 تامىزدا جالپىحالىقتىق مارش وتكىزبەكشى. 

قاۋىپسىزدىك كەڭەسىن وتكىزگەن ا.لۋكاشەنكو ەندى مينسكىدە تارتىپسىزدىك بولماۋ كەرەكتىگىن ەسكەرتىپ، حالىقتىڭ تىنىشتىقتى قالايتىنىن ايتتى. ال ەلدىڭ باس پروكۋرورى الەكساندر كونيۋك سۆەتلانا تيحانوۆسكايا باستاعان ۇيلەستىرۋ كەڭەسىنىڭ قۇرىلۋىن بيلىكتى باسىپ الۋعا باعىتتالعانىن ايتىپ، قىلمىستىق ءىس قوزعالعانىن حابارلادى.

وپپوزيتسيالىق ۇيلەستىرۋ كەڭەسى بۇعان دەر كەزىندە جاۋاپ قايىردى.

"ماقساتىمىز – بيلىكتى كۇشپەن تارتىپ الۋ ەمەس. ۇسىنىسىمىز قىلمىس بولىپ سانالاتىن بولسا، وندا بەلورۋسسيا زاڭىندا ماسەلە بار بولعانى،"-  دەيدى كەڭەس مۇشەلەرى.

ۇيلەستىرۋ كەڭەسى بيلىك وكىلدەرىن بەيبىت كەلىسسوزگە كەلۋگە شاقىرىپ وتىر.  ولار ەلدەگى ساياسي جانە ەكونوميكالىق داعدارىستىڭ  جاۋاپكەرشىلىگى قازىرگى بيلىكتىڭ بيلىكتىڭ موينىندا دەيدى.

كونستيتۋتسيا قۇرىلىمىن وزگەرتۋدى ماقسات ەتىپ وتىرماعان توپ 23 تامىزدا (الداعى جەكسەنبى - رەد.) جالپىحالىقتىق مارش وتكىزەتىنىن مالىمدەدى. نارازىلىق اكتسياسى جالعىز مينسكىدە ەمەس، بىرنەشە قالادا قاتار وتەتىن كورىنەدى.

ەسكە سالا كەتسەك، بۇل ەلدە سايلاۋ ناتيجەسى بۇرمالاندى دەپ بەيبىت جيىنعا شىققان جۇزدەگەن ادام جارالانىپ، مىڭداعان ادام ۇستالىپ، كىسى ءولىمى تىركەلدى. ەلدىڭ ىشكى ىستەر مينيسترلىگى جازىقسىز جارالانعان بەلارۋس ازاماتتارىنان كەشىرىم سۇراعان.

جاسۇلان ءناۋرىزالى،

"ادىرنا" ۇلتتىق پورتالى

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket