ايەلدىڭ ىنتىزارلىعىن وياتاتىن ەر ادامنىڭ 7 قاسيەتى

3111
Adyrna.kz Telegram

ءبىر سوزدىلىگى

ايەلدىڭ ومىرىندە ء(دال توسەكتەگىدەي), ەر ادام كوڭىل كۇي اۋانىن كۇيتتەپ، قارىم-قاتىناستىڭ نەگىزگى باعىتىن ءوزى تاڭداپ وتىرادى. وزىنە سەنىمدى ازاماتقا ىنتىزارلىق تەز ويانادى. ايتقانىنان قايتپايتىن ادامعا قۇرمەت وسەدى. ول قانداي ايەل ىزدەگەنىن بىلەدى. قانداي قارىم-قاتىناستى كۇتەتىنىن بولجايدى. ول ءوزى تاڭداعان ايەلگە ومىرىندە قانداي ءرول وينايتىنىن ايتۋعا ارلانبايدى.

العىرلىق پەن ءازىل

ءبىر قىزىعى، ايەل ءۇشىن ەر ادامنىڭ اقىلى وتە تارتىمدى بولادى ەكەن. ماسەلە، IQ-دە ەمەس، ەر كىسىنىڭ ەنتسيكلوپەديالىق بىلىمىندە دە ەمەس. جوعارى بىلىمىندە دە بولماۋى مۇمكىن. ماسەلە، ءومىردى تانۋعا تالپىنعان نيەتىندە. جاڭاشىلدىققا بەيىمدىگىندە. جاعداي مەن زاتتىڭ ءمانىن تۇسىنۋگە تىرىسۋىندا. اقىل – الەمدى ۋىستا ۇستاۋ قۇرالىنداي. مۇنىسى ايەلدىڭ قيالىن ۇشتاپ، ازاماتتىڭ بولمىسىنا ءتانتى بولۋعا يتەرمەلەيدى. ايەل ءۇشىن ونىمەن سويلەسۋ، داۋلاسۋ، تىڭداۋ ماڭىزدى.

سەزىمتالدىعى مەن نازىكتىگى

كوپتەگەن ەلدە ەر ازاماتتىڭ ءداستۇرلى تاربيەسىندە سەزىمتالدىعىن باسىپ ۇستاۋ مانەرى بار. ونى كورسەتۋ السىزدىك دەپ ۇعادى. الايدا ايەلدىڭ ىنتىزارلىعىن «تەمىربەتون» ەركەكتەر ەمەس، ءدال وسى نازىك جانىن اشىپ كورسەتە الاتىن ازاماتتار وياتادى ەكەن. ايەل ءۇشىن مۇنداي قىلىق «سەن مەن ءۇشىن ماڭىزدىسىڭ»، «جۇرەگىمدى تەك سەن ءۇشىن اشتىم» دەگەن بەلگى ەكەن. نازىكتىگىن كورسەتۋى ەر ادامنىڭ تۇسىنىستىك تانىتۋ، كوڭىلگە قاراي ءبىلۋ، سەزىمتالدىعى مەن قامقورلىق جاساي الاتىندىعىنان حاباردار ەتكەنى. دەگەنمەن، نازىكتىگى ازاماتتىڭ ادالدىعىمەن، كەز كەلگەن جاعدايدى باسقارىپ كەتە الۋ قابىلەتىمەن استاسپاسا، تارتىمدى بولماي قالادى. كەي ايەلدەردىڭ پىكىرىنشە نازىكتىك دەگەن: «مەنىڭ جىگىتىمنىڭ نازىكتىك تانىتۋى – مەن ىدىس جۋعاندا جانىمنان ءوتىپ بارا جاتىپ موينىمنان يىسكەۋى»، «دوستارمەن كەشكى استا وتىرعاندا قولىمنان ۇستاۋى»، «كينو كورگەندە باسىن مەنىڭ تىزەمە قويۋى»، «سەبەپسىز ايمالاپ، قۇشۋى» - ىنتىزارلىق وياتادى ەكەن.

كۇش-قۋات دەڭگەيى

ەر ادامنىڭ سەكسۋالدى كۇش-قۋاتىنىڭ جوعارى بولۋى. فيلوسوفتاردىڭ ايتۋىنشا، بۇل تەك توسەكتەگى قابىلەت ەمەس، ومىرلىك كۇش-قۋاتتىڭ كورىنىسى. ەر ادام ىلعي ماقسات قويىپ، العا ۇمتىلىپ وتىرسا، ىنتىلانسا – بۇل دا كۇش-قۋاتتىڭ ەسەلەنۋى. سونىڭ ءبارىن جۇزەگە اسىرۋعا نيەتى جەتسە ەر ادام ءپوزيتيۆتى، دۇرىس زاريادتالعان بولىپ شىعادى. ونىڭ ۇستىنە كۇش-قۋاتتىڭ تاسىپ-تولۋى ەر ادامنىڭ وزىنە سەنىمدى بولۋىنا، ءوزىن، اينالاسىن قۇرمەتتەۋىنە، حاريزماسىنىڭ ەرەكشە بولۋىنا، كەز كەلگەن ىستە الدا بولۋىنا سەبەپشى. كەي پسيحولوگتار، سەكسۋالدى كۇش-قۋاتتىڭ مىقتىلىعىنا ادامنىڭ ماتەريالدى داۋلەتى دە تاۋەلدى بولادى دەپ ايتادى.

قالجىڭداي ءبىلۋى

قالجىڭداسا ءبىلۋى ەر ادامنىڭ ەركىندىگىنىڭ، ۇيلەستىرگىش قاسيەتىنىڭ بولۋى، جاعدايدى سەزىنە الۋ قابىلەتىنىڭ، ەركىنسي الۋىن تياناقتايدى. ازىلدەسە ءبىلۋى ادامنىڭ ىشكى تۇيسىگىمەن قاتتى بايلانىستى.

دەنە تۇرپاتى

ايەلدەردى تەك سىمباتتى ەر ادامدار قىزىقتىرادى دەگەن پىكىر كەڭ تاراعان. سىرتقى الپەت ماڭىزدى فاكتور ەمەس. دەگەنمەن، ايەل زاتى تۇيسىك دەڭگەيىندە كەلەشەك ۇرپاعىنا نەعۇرلىم دەنى ساۋ، تەگى مىقتى اكەنى ىزدەيتىنى انىق. جاۋىرىنى قاقپاقتاي دەنەلى جىگىت – ءار ايەلدىڭ بەيساناسىندا جازىلعان ارحايكالىق وبراز. قازىرگى زامانداعى ەرلەردىڭ وبرازى سان الۋان. ونىڭ ستاندارتى جوق. بولسا، تىم كوپ. كوپ ايەل ءۇشىن اكەسىنە ۇقساس ادامدار تارتىمدى كەلەدى. سوندىقتان يدەال پروپورتسياعا ۇمتىلا بەرۋدىڭ قاجەتى شامالى. ال وزىنە، سىمباتىنا ءمان بەرۋ – ءار جىگىتتىڭ ءوز ەركىندەگى ءىس. بۇل تاراپتا وركەنيەتتىڭ ءار ازاماتقا بەرگەن مۇمكىندىگى جەتىپ-ارتىلادى.

تاربيەسى

"تاربيەسى – ەركەكتىڭ بەت-بەينەسى". قازىرگى تاڭدا كوپتەگەن ەر ازاماتتار بۇل تۋرالى ۇمىتقان سەكىلدى. الايدا ايەل زاتى بۇعان جەتە ءمان بەرەدى. ايەلگە ەر ادامنىڭ تاربيەسى وتە ماڭىزدى ءارى تىرتىمدى بولىپ قالا بەرەدى.

اۋدارعان شىنار ءابىلدا

پىكىرلەر