اقش-تى 1993-2001 جىلدار ارالىعىندا باسقارعان بيلل كلينتون: «دونالد ترامپ باسقارعان ساتتە اق ءۇي حاوستىڭ وشاعىنا اينالدى»،-دەپ پىكىر ءبىلدىردى. بۇل تۋرالى «ادىرنا» ۇلتتىق پورتالى Tass.ru-عا سىلتەمە جاساپ حابارلايدى.
ەكس-پرەزيدەنت ميلۋوكي (ۆيسكونسين شتاتى) تۇرعىندارىمەن وتكەن ۆيدەوكونفەرەنتسيادا قازىرگى امەريكالىق باسشىنى «دايەكتى ۇكىمەتتى قۇرا المادى» دەپ ايىپتادى. كلينتون: «ءبىز جۇمىسسىزدىق دەڭگەيى ءۇش ەسە وسكەن جالعىز ءىرى يندۋستريالدى ەكونوميكامىز»، - دەيدى. ساياساتكەردىڭ پىكىرىنشە، ترامپتىڭ جاۋاپكەرشىلىكتى سەزىنبەي، كىنانءى باسقالارعا تاڭىپ قوياتىن قاسيەتى ەشقاشان وزگەرمەيدى. بۇرىنعى پرەزيدەنت ترامپتى ايىپتاي كەلە، دەموكراتيالىق پارتيا كانديداتىدجو بايدەنگە قولداۋ كورسەتكەن. ول ءوز سوزىدەن دجو بايدەننىڭ پراگماتيك ەكەنىن, سونىمەن قاتار «تاپسىرىلعان جۇمىستى ورىندايتىن جىگءىت» ەكەندىگىنە سەندىرگەن. ول تۋرالى: «وزىنە جاۋاپكەرشىلىك الا الاتىن، بورىشكەر جان كىنانى باسقالارعا اۋدارمايدى، بايىپتى، ماقساتقا جەتە الاتىن, بولمەي، بىرىكتىرەتىن ادام»، - دەپ قورىتىندىلاعان.
اقش سايلاۋى 2020 جىلدىڭ 3 قاراشاسىنا جوسپارلانعان. مونمۋت ۋنيۆەرسيتەتىنىڭ ساۋالناماسىنا سايكەس، رەسپوندەنتتەردىڭ 52 پايىزى دەموكراتيالىق پارتيا كانديداتى دجو بايدەن ءۇشىن داۋىس بەرۋگە دايىن، ال ترامپ ءۇشىن 11 پايىزعا از.
«ادىرنا» ۇلتتىق پورتالى
