شىمكەنت قالاسىندا ىشكى ورامداعى جۇرگىزىلىپ جاتقان ورتاشا جول جوندەۋ جۇمىستارى كەزەڭ-كەزەڭىمەن اياقتالىپ جاتىر.
بۇگىندە سامال-3 شاعىناۋدانىنداعى ۇزىندىعى 1,5 شاقىرىم، ەنى 5 مەتر بولاتىن ابدرامانوۆ كوشەسىندە ورتاشا جول جوندەۋ جۇمىستارى اياقتالىپ، پايدالانۋعا بەرىلدى.
سونداي-اق، تومەندەگىدەي كوشەلەردە جۇمىستار ءالى دە جالعاسۋدا:
- ەڭبەكشى اۋدانى تولە بي كوشەسىندەگى ورتاشا جوندەۋ جۇمىستارىن «الەمترانسجول» جشس مەردىگەرى جۇرگىزىپ جاتىر. مۇندا جولدىڭ بەتكى قاباتىن جاڭارتۋ، جارامسىز يرريگاتسيالىق ارىقتاردى الماستىرۋ قارالعان. كوشەنىڭ ۇزىندىعى 2,6 شاقىرىم. بۇگىنگى تاڭدا، جولدىڭ بەتكى اسفالت قاباتىن جاڭارتۋ جۇمىستارى جۇرگىزىلۋدە. جۇمىستار اعىمداعى جىلدىڭ قىركۇيەك ايىندا اياقتالادى دەپ جوسپارلانۋدا.
- ءال-فارابي اۋدانى تۇركىستان كوشەسىندە ء(ال-فارابي الاڭىنان ادىربەكوۆ كوشەسىنە دەيىن) جولدىڭ بەتكى قاباتىن جاڭارتۋ، يرريگاتسيالىق ارىقتاردى الماستىرۋ، جاياۋ جۇرگىنشىلەر جولى مەن ۆەلوجول سالۋ سەكىلدى جۇمىستار اتقارىلادى. مۇندا 1,9 شاقىرىمدى قۇرايتىن كوشە بولىگى جوندەلەدى. قازىر جولدىڭ بەتكى قاباتىن اسفالتتاۋ جۇمىستارى جۇرگىزىلۋدە. نىسان اعىمداعى جىلدىڭ قازان ايىندا پايدالانۋعا بەرىلەدى دەپ كۇتىلۋدە.
- ەڭبەكشى اۋدانى جىبەك جولى كوشەسىندەگى (رىسقۇلوۆ كوشەسىنەن ايماۋىتوۆ كوشەسىنە دەيىن) ورتاشا جوندەۋ جۇمىستارى «سادي ستروي» جشس-گى تاراپىنان جۇرگىزىلۋدە. كوشەنىڭ ۇزىندىعى 1,2 شاقىرىم. بۇگىندە جولدىڭ بەتكى قاباتىن اسفالتتاۋ جۇمىستارى جۇرگىزىلىپ جاتىر.
- تاسكەن تۇرعىن الابىنداعى ابىلايحان جانە تۇگەيبولات كوشەسىندە ورتاشا جوندەۋ جۇمىستارى جۇرگىزىلۋدە. سونىمەن قاتار، №115 مەكتەپكە باراتىن اتاۋى جوق كوشەگە جاياۋ جۇرگىنشىلەر جولىن ورناتۋ جۇمىستارى اتقارىلۋ ۇستىندە.
شىمكەنت قالاسى اكىمىنىڭ ءباسپاسوز قىزمەتى
