Şymkent qalasynda ışkı oramdaǧy jürgızılıp jatqan ortaşa jol jöndeu jūmystary kezeŋ-kezeŋımen aiaqtalyp jatyr.
Bügınde Samal-3 şaǧynaudanyndaǧy ūzyndyǧy 1,5 şaqyrym, enı 5 metr bolatyn Abdramanov köşesınde ortaşa jol jöndeu jūmystary aiaqtalyp, paidalanuǧa berıldı.
Sondai-aq, tömendegıdei köşelerde jūmystar älı de jalǧasuda:
- Eŋbekşı audany Töle bi köşesındegı ortaşa jöndeu jūmystaryn «AlemTransJol» JŞS merdıgerı jürgızıp jatyr. Mūnda joldyŋ betkı qabatyn jaŋartu, jaramsyz irrigasiialyq aryqtardy almastyru qaralǧan. Köşenıŋ ūzyndyǧy 2,6 şaqyrym. Bügıngı taŋda, joldyŋ betkı asfalt qabatyn jaŋartu jūmystary jürgızılude. Jūmystar aǧymdaǧy jyldyŋ qyrküiek aiynda aiaqtalady dep josparlanuda.
- Äl-Farabi audany Türkıstan köşesınde (Äl-Farabi alaŋynan Adyrbekov köşesıne deiın) joldyŋ betkı qabatyn jaŋartu, irrigasiialyq aryqtardy almastyru, jaiau jürgınşıler joly men velojol salu sekıldı jūmystar atqarylady. Mūnda 1,9 şaqyrymdy qūraityn köşe bölıgı jöndeledı. Qazır joldyŋ betkı qabatyn asfalttau jūmystary jürgızılude. Nysan aǧymdaǧy jyldyŋ qazan aiynda paidalanuǧa berıledı dep kütılude.
- Eŋbekşı audany Jıbek joly köşesındegı (Rysqūlov köşesınen Aimauytov köşesıne deiın) ortaşa jöndeu jūmystary «Sadi Stroi» JŞS-gı tarapynan jürgızılude. Köşenıŋ ūzyndyǧy 1,2 şaqyrym. Bügınde joldyŋ betkı qabatyn asfalttau jūmystary jürgızılıp jatyr.
- Tasken tūrǧyn alabyndaǧy Abylaihan jäne Tügeibolat köşesınde ortaşa jöndeu jūmystary jürgızılude. Sonymen qatar, №115 mektepke baratyn atauy joq köşege jaiau jürgınşıler jolyn ornatu jūmystary atqarylu üstınde.
Şymkent qalasy äkımınıŋ baspasöz qyzmetı
