ەلىمىزدە بەتپەردە تاعۋ رەجيمىن بۇزعانى ءۇشىن سالىناتىن ايىپپۇل مولشەرىن 83 مىڭ تەڭگەدەن 2 778 تەڭگەگە دەيىن ازايتۋ ۇسىنىلىپ وتىر. بۇل تۋرالى كاسىپكەرلەرىنىڭ قۇقىعىن قورعاۋ جونىندەگى وكىلى رۋستام ءجۇرسىنوۆ الەۋمەتتىك جەلى ارقىلى حابارلادى.
"قازىرگى مەملەكەتتىك ورگاندار "قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ تۋرالى" زاڭ جوباسىنىڭ تۇجىرىمداماسىن قاراستىرۋدا. وندا جەكە تۇلعالارعا بەپتەردە تاقپاعانى ءۇشىن سالىناتىن ايىپپۇلدى 30 ايلىق ەسەپتىك كورسەتكىشتەن 1 اەك-كە (2 778 تەڭگە) دەيىن تومەندەتۋ ۇسىنىلىپ وتىر،" - دەپ جازدى.
نارازىلىق فوتوسى
ەسكە سالا كەتسەك، بۇعان دەيىن قازاقستاندىقتار بەتپەردە تاعۋعا سالىنعان ايىپپۇلدىڭ مولشەرى باسقا ەلدەرمەن سالىستىرعاندا تىم قىمبات ەكەنىن ايتىپ، ءوز نارازىلىقتارىن بىلدىرگەن. دەنساۋلىق ساقتاۋ مينيسترلىگىنىڭ وكىلى قوجاحمەتوۆتىڭ ايتۋىنشا، 5 شىلدەدەن باستاپ قوعامدىق ورىنداردا ماسكا تاقپاعانى ءۇشىن 2778 ادامعا ايىپپۇل (83000 تەڭگەدەن - رەد.) سالىنعان.
"ادىرنا" ۇلتتىق پورتالى
