شىمكەنتتىك ەرىكتىلەر “جانعا جىلۋ” اكتسياسىن وتكىزدى

2307
Adyrna.kz Telegram

شىمكەنت قالاسىنىڭ ەرىكتىلەرى دارىگەرلەر مەن الەۋمەتتىك كومەككە مۇقتاج وتباسىعا 100-گە جۋىق ازىق-تۇلىك سەبەتتەرىن ۇلەستىردى.

«جانعا جىلۋ» قايىرىمدىلىق اكتسياسىن ۇيىمداستىرۋعا قالالىق «جاستار رەسۋرستىق ورتالىعى» ماماندارى، «ASAA» جاستار قوعامدىق بىرلەستىگىنىڭ وكىلدەرى، ەرىكتى زارينا جيەنباەۆا، «قازاقستان تەمىر جولى جاستارى بىرلەستىگى» بەلسەندىلەرى ات سالىستى.

جوبانىڭ نەگىزگى ماقساتى – ىندەتپەن كۇرەستە ءومىرىن قاۋىپكە توندىرە وتىرا جۇمىس جاساپ جۇرگەن اق حالاتتىلارعا العىس ءبىلدىرۋ جانە مۇقتاج جاندارعا كومەك كورسەتۋ بولدى.

ايتا ءوتۋ كەرەك، بۇعان دەيىن دە شىمكەنتتىك ەرىكتى جاستار «دارىگەرلەرگە مىڭ العىس!» جالپىۇلتتىق اكتسياسىن وتكىزگەن. قايىرىمدىلىق شاراسى اياسىندا ەرىكتىلەر 100-دەن استام دەنساۋلىق سەبەتىن دايىنداپ تاراتتى. سەبەتكە ازىق-تۇلىك، يممۋنيتەتتى نىعايتۋعا ارنالعان ونىمدەر سالىنعان. سونىمەن قاتار، شىمكەنت قالاسى جاستار رەسۋرستىق ورتالىعى جانىنان "Shymkent volunteer" ۇيىمىنىڭ ەرىكتىلەرى جانە قازاقستان تەمىر جولى جاستارى بىرىگىپ قالامىزداعى مەديتسينا قىزمەتكەرلەرى ءۇشىن اس قوراپشالارىن تاراتقان بولاتىن.

اتالعان يگى شارا ءالى دە ءوز جالعاساتىن تاباتىن بولادى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر