2020 جىلدىڭ قاڭتار-شىلدە ايىندا شىمكەنت قالاسى اكىمدىگىنە 8 711 ارىز-شاعىم كەلىپ تۇسكەن. وتىنىشتەردىڭ 950-ءنىڭ ماسەلەسى قاناعاتتاندىرىلىپ، 8491-نە جازباشا تۇسىندىرمە بەرىلدى.
ونىڭ ىشىندە جەر قاتىناستارى – 3986, كارانتين كەزىندە قالادا ءجۇرىپ تۇرۋعا رۇقسات الۋ – 839, ەنەرگەتيكا جانە كوممۋنالدىق شارۋاشىلىق – 314, باسپانا ماسەلەسى بويىنشا – 302, الەۋمەتتىك جانە جۇمىسقا ورنالاستىرۋ – 300, جولاۋشىلار كولىگى جانە اۆتوموبيل جولدارى – 198, قۇرىلىس سالاسى بويىنشا – 161, ءبىلىم سالاسى – 142, دەنساۋلىق ساقتاۋ – 135, ەكىنشى دەڭگەيدەگى بانكتەردەن العان نەسيە سوماسىن وتەۋ تۋرالى – 78, باسقا ماسەلەلەر –2 134.
بۇل دەگەنىمىز ەل پرەزيدەنتى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسى شىمكەنت قالاسى اكىمدىگىنىڭ جۇمىسىندا كورىنىس تاۋىپ جاتقانىنىڭ بەلگىسى. سونداي-اق، اكىمدىكتىڭ رەسمي سايتىنداعى «اشىق ديالوگ»، «سۇراق-جاۋاپ» بلوگتارىنا 375 ارىز-شاعىم ءتۇسىپ، وعان 100 پايىز جاۋاپ بەرىلگەن.
سونىمەن قاتار، بيلىكتىڭ بۇقاراعا بارىنشا جاقىن بولۋى ماقساتىندا قالا اكىمى مۇرات ايتەنوۆ كارانتين كەزەڭىنە دەيىن، ياعني قاڭتار-ناۋرىز ارالىعىندا حالىقپەن 7 رەت جۇزدەسىپ، 186 تۇرعىندى قابىلدادى. اكىمنىڭ قابىلداۋىنا كەلگەن 108 ازاماتتىڭ ماسەلەسىنە تۇسىندىرمە جاۋاپتار بەرىلسە، 75 ازاماتتىڭ ماسەلەلەرى شەشىم تاپتى. ال 2 ازاماتتىڭ ماسەلەسىن شەشۋ ۇزاق مەرزىمدىك باقىلاۋعا قويىلدى.
ايتا كەتۋ قاجەت، قالانىڭ جومارت ازاماتتارىنىڭ ارقاسىندا جەكە قابىلداۋعا قاتىسقان 16 ازاماتقا مەديتسينالىق قۇرال جابدىقتاردى (قول اربا، ورتوپەديالىق اياق كيىم، كوزىلدىرىك), ءدارى-دارمەك، وتا جاساتۋعا اقشالاي كومەك بەرىلدى. قۇجاتتارىن راسىمدەي الماي جۇرگەن 15 ازاماتتىڭ ماسەلەسى شەشىلىپ، زاڭگەر كومەگى بەرىلدى.
قالا باسشىسى مۇرات ايتەنوۆ ەنگىزىلگەن كارانتيندىك شارالارعا سايكەس ازاماتتاردى ونلاين بايلانىس ارقىلى قابىلداپ، تىكەلەي ەفيرگە شىعۋ جولىن قولعا الدى. اپتانىڭ ءار جۇماسىندا ءوتىپ جاتقان ونلاين قابىلداۋىندا 26 ازاماتتىڭ ءوتىنىشىن تىڭداپ، جاۋاپتى سالا ماماندارىنا ناقتى تاپسىرمالار جۇكتەدى.
سونىمەن قاتار، قالا اكىمىنىڭ ورىنباسارلارى جىل باسىنان 266 ازاماتتى قابىلداپ، وتىنىشتەر نەگىزىندە جۇمىستار اتقاردى.
شىمكەنت قالاسى اكىمىنىڭ ءباسپاسوز قىزمەتى
