Shymkent: qala ákimdiginde 7 aıda 8 myńnan astam ótinish qaraldy

2371
Adyrna.kz Telegram

2020 jyldyń qańtar-shilde aıynda Shymkent qalasy ákimdigine 8 711 aryz-shaǵym kelip túsken. Ótinishterdiń 950-niń máselesi qanaǵattandyrylyp, 8491-ne jazbasha túsindirme berildi.

Onyń ishinde jer qatynastary – 3986, karantın kezinde qalada júrip turýǵa ruqsat alý – 839, energetıka jáne kommýnaldyq sharýashylyq – 314, baspana máselesi boıynsha – 302, áleýmettik jáne jumysqa ornalastyrý – 300, jolaýshylar kóligi jáne avtomobıl joldary – 198, qurylys salasy boıynsha – 161, bilim salasy – 142, densaýlyq saqtaý – 135, ekinshi deńgeıdegi bankterden alǵan nesıe somasyn óteý týraly – 78, basqa máseleler –2 134.

Bul degenimiz el Prezıdenti Qasym-Jomart Toqaevtyń «Halyq únine qulaq asatyn memleket» tujyrymdamasy Shymkent qalasy ákimdiginiń jumysynda kórinis taýyp jatqanynyń belgisi. Sondaı-aq, ákimdiktiń resmı saıtyndaǵy «Ashyq dıalog», «Suraq-jaýap» blogtaryna 375 aryz-shaǵym túsip, oǵan 100 paıyz jaýap berilgen.

Sonymen qatar, bıliktiń buqaraǵa barynsha jaqyn bolýy maqsatynda qala ákimi Murat Áıtenov karantın kezeńine deıin, ıaǵnı qańtar-naýryz aralyǵynda halyqpen 7 ret júzdesip, 186 turǵyndy qabyldady. Ákimniń qabyldaýyna kelgen 108 azamattyń máselesine túsindirme jaýaptar berilse, 75 azamattyń máseleleri sheshim tapty. Al 2 azamattyń máselesin sheshý uzaq merzimdik baqylaýǵa qoıyldy.

Aıta ketý qajet, qalanyń jomart azamattarynyń arqasynda jeke qabyldaýǵa qatysqan 16 azamatqa medıınalyq qural jabdyqtardy (qol arba, ortopedııalyq aıaq kıim, kózildirik), dári-dármek, ota jasatýǵa aqshalaı kómek berildi. Qujattaryn rásimdeı almaı júrgen 15 azamattyń máselesi sheshilip, zańger kómegi berildi.

Qala basshysy Murat Áıtenov engizilgen karantındik sharalarǵa sáıkes azamattardy onlaın baılanys arqyly qabyldap, tikeleı efırge shyǵý jolyn qolǵa aldy. Aptanyń ár jumasynda ótip jatqan onlaın qabyldaýynda 26 azamattyń ótinishin tyńdap, jaýapty sala mamandaryna naqty tapsyrmalar júktedi.

Sonymen qatar, qala ákiminiń orynbasarlary jyl basynan 266 azamatty qabyldap, ótinishter negizinde jumystar atqardy.

Shymkent qalasy ákiminiń baspasóz qyzmeti

Pikirler