بۇگىن مەملەكەت باسشىسى قاسىم-جومارت توقاەۆتىڭ قابىلداۋىندا بولدىم. پرەزيدەنتكە جاڭا وقۋ جىلىنا دايىندىق جانە بۇعان دەيىن مينيسترلىككە مىندەتتەگەن تاپسىرمالاردىڭ ورىندالۋ بارىسى جايىندا ەسەپ بەردىم.
مەملەكەت باسشىسى جاڭا وقۋ جىلىن دۇرىس ۇيىمداستىرۋدىڭ ماڭىزدى ەكەنىن ەسكەرتتى. اسىرەسە قاشىقتان وقىتۋ كەزىندە الەۋمەتتىك از قامتىلعان وتباسىلاردان شىققان بالالارعا قولداۋ كورسەتۋ قاجەتتىگىنە باسا نازار اۋداردى.
قاسىم-جومارت كەمەلۇلى پەداگوگتەردىڭ مارتەبەسىن كوتەرۋ جونىندەگى جۇمىستى جالعاستىرۋدى، ۇستازداردى نەگىزگى قىزمەتىنەن بولەك جۇمىسقا جۇمىلدىرماۋدى جانە 2021 جىلعى قاڭتار ايىنا جوسپارلانعان مۇعالىمدەردىڭ جالاقىسىن 25%-عا ارتتىرۋدى قامتاماسىز ەتۋدى تاپسىردى.
سونداي-اق جوعارى وقۋ ورىندارىنىڭ اكادەميالىق دەربەستىگىن ودان ءارى كەڭەيتۋ، جوعارى ءبىلىمنىڭ ساپاسىن ارتتىرۋ جانە جوو-داعى عىلىمدى دامىتۋ تۋرالى تاپسىرما بەردى.
قر ءبىلىم جانە عىلىم ءمينيسترى
اسحات ايماعامبەتوۆ
