شىمكەنت قالاسىندا اعىمداعى جىلدىڭ ءساۋىر ايىندا باستالعان ورتاشا جول جوندەۋ جۇمىستارى اياقتالدى. ۇزىندىعى 7 شاقىرىمنان اساتىن ىشكى كوشە جولدارىنىڭ قۇرىلىس جۇمىستارى تولىعىمەن اياقتالىپ، پايدالانۋعا بەرىلدى.
بۇگىندە ءاربىر اتقارىلىپ جاتقان جول قۇرىلىسى جۇمىستارىن قالا اكىمى مۇرات ايتەنوۆ قاتاڭ باقىلاۋعا العان.
پايدالانۋعا بەرىلگەن كوشەلەردى اتاپ ايتار بولساق،
- قاراتاۋ اۋدانى، سايرام تۇرعىن الابى فۋرحات، اتوي 1,2,3 كوشەسىنە مەردىگەر مەكەمە «تەمىرتاس» جشس-گى ورتاشا جوندەۋ جۇمىستارىن جۇرگىزدى. كوشەنىڭ ۇزىندىعى 1,8 شاقىرىم، ەنى 5 مەتر.
- ەڭبەكشى اۋدانى، ماياتاس تۇرعىن الابى جەلتوقسان كوشەسىنە ورتاشا جوندەۋ جۇمىستارىن مەردىگەر مەكەمە «تەمىرتاس» جشس-گى جۇرگىزدى. ۇزىندىعى 1,8 شاقىرىم، ەنى 5 مەتر.
- قاراتاۋ اۋدانى، بوزارىق تۇرعىن الابى ۇستا مۇحاممەد كوشەسىنەن باستالاتىن اتاۋى جوق كوشەدە ورتاشا جوندەۋ جۇمىستارى اياقتالدى. كوشەنىڭ ۇزىندىعى 1,1 شاقىرىم، ەنى 5 مەتر.
- اباي اۋدانى، ىنتىماق شاعىن اۋدانى قاراسۋ كوشەسىندەگى ورتاشا جوندەۋ جۇمىستارىن مەردىگەر مەكەمە «تاعان» جشس-گى تولىعىمەن اياقتادى. كوشەنىڭ ۇزىندىعى 2,5 شاقىرىم، ەنى 5 مەتر.
جالپى، بيىل شىمكەنتتە 240 نىسان، 314,7 شاقىرىم جول، 7 كوپىر، 1 جاياۋ جۇرگىنشىلەر وتكەلى پايدالانۋعا بەرىلەدى.
شىمكەنت قالاسى اكىمىنىڭ ءباسپاسوز قىزمەتى
