جينالعاندارمەن كەزدەسۋگە پرەزيدەنت اكىمشىلىگىنىڭ ارىز-شاعىمداردى قاراۋ ءبولىمى باسشىسىنىڭ ورىنباسارى دانيار قادىروۆ شىقتى
قازاقستاندا تىركەلمەگەن دەموكراتيالىق پارتيانىڭ جەتەكشىسى جانبولات ماماي جانە جاقتاستارى اقوردانىڭ الدىندا جينالدى، دەپ حابارلايدى Sputnik قازاقستان .
بۇعان دەيىن ماماي 4 تامىزدا اقورداعا بارىپ، 100 مىڭ ادامنىڭ ارىزىن تاپسىراتىنىن حابارلاعان بولاتىن. بارلىعى كرەديتتى كەشىرۋدى تالاپ ەتىپ وتىر. وسىعان وراي، پرەزيدەنت قاسىم-جومارت توقاەۆتىڭ اتىنا ارنايى حات تا ازىرلەنگەن.
"قازاقستاندا حالىقتىڭ ءبىر بولىگىنە عانا تولەنگەن 42 500 تەڭگە ماردىمدى كومەك دەپ اي̆تا الماي̆مىز. بۇل كۇنكورىسكە جەتپەي̆تىن، تابىسىنان اي̆رىلعان ەلگە قولداۋ بولاتىن اقشا ەمەس. ونىڭ ۇستىنە، جۇمىسسىز قالىپ، اي̆لىعىنان قاعىلعان حالىقتى قىسپاققا الىپ وتىرعان باستى الەۋمەتتىك ماسەلە — نەسيەلىك بورىش بولىپ وتىر. بۇگىنگى تاڭدا 5.3 ميلليون حالىقتىڭ 4.4 تريلليون تەڭگەنى قۇراي̆تىن نەسيەلىك بورىشى بار. ونى حالىق قازىر تولەي̆ الماي̆ وتىر", – دەلىنگەن حاتتا.
سونداي-اق، حات يەلەرى نەسيەلىك امنيستيا جاريالاۋعا اقشا جوق دەگەن سىلتاۋعا سەنبەي̆تىندەرىن جەتكىزەدى.
ء"سىزدىڭ سوزىڭىزگە سەنسەك، ۇلتتىق قورىمىزدا 90 ميلليارد دوللار قاراجات بار. ودان بولەك، تاۋەلسىزدىك جىلدارىندا وفشورعا 140 ميلليارد دوللار اۋدارىلعان. سول اقشانى نەگە قاي̆تارماسقا؟ ۇلتتىق قوردىڭ قارجىسىن نەگە قولدانباسقا؟ وسى ۋاقىتقا دەي̆ىن بانكتەرىنە كومەك الىپ كەلگەن وليگارحتاردى ءوز قارجىسىن قازاقستانعا قاي̆تارىپ، قارىزىن تولەتۋگە نەگە ماجبۇرلەمەسكە؟ ءبىز سىزگە حات جازۋىمىزدىڭ سەبەبى دە وسىندا", – دەيدى ولار.
بۇگىن جانبولات ماماي ءبىر توپ ادامدارمەن بىرگە اقورداعا حاتتى جانە ارىزداردى تاپسىرۋ ءۇشىن جينالعان. ونىڭ الەۋمەتتىك جەلىدەگى پاراقشاسىندا ۆيدەو جاريالاندى.
ء"بىز 100 مىڭعا جۋىق حالىقتىڭ نەسيەلىك امنيستيا بويىنشا ارىزىن تاپسىرعالى وتىرمىز. سول ءۇشىن جينالدىق. بارلىعىمىزدا مەديتسينالىق بەتپەردە مەن قولعاپ بار. الەۋمەتتىك اراقاشىقتىقتى ساقتاپ، ءتارتىپ بۇزىپ تۇرعان جوقپىز. ماقساتىمىز – وسى ارىزداردى تاپسىرۋ. ءبىر ايداي ۋاقىت بەرەمىز. ەگەر ءبىزدىڭ تالاپتارىمىز ورىندالمايتىن بولسا، وندا ميتينگكە شىعۋعا ءماجبۇر بولامىز", – دەيدى ماماي.
حات پەن ارىزداردى تاپسىرۋعا كەلگەندەر الدىمەن جولاۋشىلار كوپىرى ارقىلى اقورداعا قاراي وتپەك بولعان. بىراق ولاردىڭ جولىن قۇقىق قورعاۋشىلار بوگەدى. ودان كەيىن مينيسترلىكتەر ءۇيىنىڭ ەكىنشى اركاسىنا بارىپ ەدى، ول جاقتان دا ءبىر توپ ساقشىلارعا تاپ بولدى. سودان سوڭ پرەزيدەنت اكىمشىلىگىنىڭ ارىز-شاعىمداردى قاراۋ ءبولىمى باسشىسىنىڭ ورىنباسارى دانيار قادىروۆ شىقتى. ول بارلىق ارىزدى قابىلداۋعا ءازىر ەكەنىن جەتكىزدى.
پرەزيدەنت اكىمشىلىگىنىڭ ازاماتتاردى قابىلداۋ كابينەتى مينيسترلىكتەر ۇيىندە ورنالاسقان. كارانتينگە بايلانىستى وعان ادامداردىڭ شەكتەۋلى سانىن عانا كىرگىزدى.
كەيىننەن جانبولات ماماي ءوزىنىڭ الەۋمەتتىك جەلىدەگى پاراقشاسىندا بارلىق ارىزدىڭ قابىلدانعانىن مالىمدەدى.
