اتىراۋ اكىمى 5 ملرد تەڭگەگە جۋىق قارجى ۇنەمدەدى

847

اتىراۋ وبلىسىنىڭ اكىمى ماحامبەت دوسمۇحامبەتوۆ ماقات اۋدانىنىڭ دوسسور كەنتىندە بولىپ، تۇرعىن ءۇي نىساندارىنىڭ قۇرىلىس قارقىنىن تەكسەردى.
بۇگىندە دوسسور كەنتىندە سالىنىپ جاتقان ۇشقاباتتى تۇرعىن ءۇيدىڭ قۇرىلىسى بىلتىر، ياعني 2019 جىلدىڭ ءساۋىر ايىندا باستالعان.
60 پاتەرلىك تۇرعىن ءۇيدىڭ 30 پاتەرى ەكى بولمەلى، قالعانى ءۇش بولمەلى بولادى. بارلىق پاتەرگە اۆتونومدىق جىلىتۋ قازاندىعى ورناتىلعان.
تۇرعىن ءۇيىدى ارالاپ شىققان وبلىس اكىمى ماحامبەت دوسمۇحامبەتوۆ مەردىگەرلەرگە نىساندى بەلگىلەنگەن مەرزىمىندە بەرۋدى  تاپسىردى.
قازىرگى تاڭدا  تۇرعىن ءۇي-قۇرىلىسى جۇمىستارىنىڭ  95 پايىزى اياقتالعان. نىساندى تاپسىرۋ  مەرزىمى وسى جىلدىڭ تامىز ايىنىڭ 25-ىنە جوسپارلانىپ وتىر.
اتىراۋ وبلىسىنىڭ اكىمى ماحامبەت دوسمۇحامبەتوۆ بۇعان دەيىن ماقات جانە جىلىوي اۋدانىنا بارىپ، بىرقاتار الەۋمەتتىك نىسانداردىڭ قۇرىلىسىمەن تانىسقان بولاتىن.

جوعارىدا اتاپ وتكەنىمىزدەي، اكىمدىك  ناقتى ىستەرمەن اينالىسۋدا. فورۋمدار مەن سەمينارلاردى، بۇقارالىق سيپاتى باسىم باعدارلامالاردى قىسقارتقان. كەيبىرلەرىنىڭ فورماتىن وزگەرتكەن.

«ءبىز ادامداردىڭ كوپ شوعىرلاناتىن شارالاردىڭ بارىنەن باس تارتتىق. بۇدان بيۋدجەتتىڭ 4,8 ميلليارد تەڭگەسى ۇنەمدەلدى. ەندى جىل سوڭىنا دەيىن تاعى دا 900 ملن تەڭگەنى قىسقارتۋدى كوزدەپ وتىرمىز. قارجى ءبىرىنشى كەزەكتە پاندەميامەن كۇرەس شارالارىنا جۇمسالادى. بۇل ماقساتقا 2,3 ملرد تەڭگە ءبولىندى. سونىڭ ىشىندە 777 ملن تەڭگە «اتىراۋ اكك» اق ارقىلى ازىق-تۇلىك تاۋارلارىنىڭ تۇراقتاندىرۋ قورىن قۇرۋعا جۇمسالدى. بۇدان باسقا 1 ملرد تەڭگە مەكتەپتەردى دارەتحانالارمەن، بەينەباقىلاۋ جۇيەسىمەن جابدىقتاۋعا باعىتتالدى. ۇنەمدەلگەن قارجىعا مەديتسينالىق جابدىقتار ساتىپ الىندى. ستاتسيونارلارعا جوندەۋ جۇمىستارى جۇرگىزىلدى. قارجىنىڭ ءبىر بولىگىنە وكپەنى جاساندى جەلدەتۋ اپپاراتتارىن ساتىپ الۋدى جوسپارلاپ وتىرمىز» - دەدى وبلىس اكىمى  ماحامبەت دوسمۇحامبەتوۆ.

اتىراۋ

 

 

پىكىرلەر
رەداكتسيا تاڭداۋى