Atyraý ákimi 5 mlrd teńgege jýyq qarjy únemdedi

846

Atyraý oblysynyń ákimi Mahambet Dosmuhambetov Maqat aýdanynyń Dossor kentinde bolyp, turǵyn úı nysandarynyń qurylys qarqynyn tekserdi.
Búginde Dossor kentinde salynyp jatqan úshqabatty turǵyn úıdiń qurylysy byltyr, ıaǵnı 2019 jyldyń sáýir aıynda bastalǵan.
60 páterlik turǵyn úıdiń 30 páteri eki bólmeli, qalǵany úsh bólmeli bolady. Barlyq páterge avtonomdyq jylytý qazandyǵy ornatylǵan.
Turǵyn úıidi aralap shyqqan oblys ákimi Mahambet Dosmuhambetov merdigerlerge nysandy belgilengen merziminde berýdi  tapsyrdy.
Qazirgi tańda  turǵyn úı-qurylysy jumystarynyń  95 paıyzy aıaqtalǵan. Nysandy tapsyrý  merzimi osy jyldyń tamyz aıynyń 25-ine josparlanyp otyr.
Atyraý oblysynyń ákimi Mahambet Dosmuhambetov buǵan deıin Maqat jáne Jylyoı aýdanyna baryp, birqatar áleýmettik nysandardyń qurylysymen tanysqan bolatyn.

Joǵaryda atap ótkenimizdeı, ákimdik  naqty istermen aınalysýda. Forýmdar men semınarlardy, buqaralyq sıpaty basym baǵdarlamalardy qysqartqan. Keıbirleriniń formatyn ózgertken.

«Biz adamdardyń kóp shoǵyrlanatyn sharalardyń bárinen bas tarttyq. Budan bıýdjettiń 4,8 mıllıard teńgesi únemdeldi. Endi jyl sońyna deıin taǵy da 900 mln teńgeni qysqartýdy kózdep otyrmyz. Qarjy birinshi kezekte pandemııamen kúres sharalaryna jumsalady. Bul maqsatqa 2,3 mlrd teńge bólindi. Sonyń ishinde 777 mln teńge «Atyraý ÁKK» AQ arqyly azyq-túlik taýarlarynyń turaqtandyrý qoryn qurýǵa jumsaldy. Budan basqa 1 mlrd teńge mektepterdi dárethanalarmen, beınebaqylaý júıesimen jabdyqtaýǵa baǵyttaldy. Únemdelgen qarjyǵa medıınalyq jabdyqtar satyp alyndy. Staıonarlarǵa jóndeý jumystary júrgizildi. Qarjynyń bir bóligine ókpeni jasandy jeldetý apparattaryn satyp alýdy josparlap otyrmyz» - dedi oblys ákimi  Mahambet Dosmuhambetov.

Atyraý

 

 

Pikirler
Redakııa tańdaýy