ستاتيستيكا بىرىكتى دەپ جاتىر عوي، شىندىعىندا بىرىككەن جوق.
كەشە العاش رەت تاۋلىك دەرەگىندە كوروناۆيرۋس پەن كوروناۆيرۋستىق پنەۆمونيا ساندارى جاريالاندى. ءبىرىنشىسى پتر اناليزبەن راستالعان جاعداي، ەكىنشىسى كلينيكالىق بەلگىلەرى بويىنشا راستالعان جاعداي.
ءبىرىنشىسى بويىنشا ءبىر كۇندە 1226 ناۋقاس، 36 ءولىم تىركەلسە، ەكىنشىسى بويىنشا 5181 ناۋقاس، 30 ءولىم تىركەلگەن.
بىراق كوروناۆيرۋستىڭ نەگىزگى ستاتيستيكاسىنا تەك 1226 دەگەن سان عانا قوسىلدى. Coronavirus2020.kz سايتىندا كوروناۆيرۋستىق پنەۆمونيادان ولگەندەر سانى بولەك كورسەتىلگەنىنە قاراعاندا، Covid ءولىمى دەرەگىنە كوروناۆيرۋستىق پنەۆمونيادان قايتقاندار دا كىرمەيتىن كورىنەدى.
ال ددسۇ-نىڭ، دجونس حوپكينس ۋنيۆەرسيتەتىنىڭ جانە worldometers.info سايتىنىڭ Covid كارتالارى قازاقستان مالىمەتىن تەك بيلىك دەرەگىنە سۇيەنىپ جاريالايدى.
ياعني كەشەگى دەرەكتەن سوڭ قازاقستانداعى كوروناۆيرۋس جۇقتىرعاندار سانى 6407 ادامعا (1226+6407) ەمەس، تەك 1226 ادامعا ارتىپ، 91 593-كە جەتكەن. ەگەر بىرىكتىرسە، 96774 بولۋى كەرەك ەدى جانە ءبىز الدا تۇرعان ەگيپەتتەن وزىپ كەتۋىمىز قاجەت بولاتىن.
قورىتقاندا، بيلىك Covid پەن پنەۆمونيانى بىرىكتىرگەن جوق، بيلىكتىڭ جاساعانى – جاي عانا پنەۆمونيا دەرەگىن كوروناۆيرۋسپەن قاتار جاريالاۋ. وسىنى ىستەۋ ءۇشىن ەكى اپتا كەتتى.
ال كورشىمىز قىرعىزستان ستاتيستيكانى بىرىكتىرەتىنىن 16 شىلدە جاريالادى دا، 17 شىلدە كۇنى ورتاق سانعا كوشىپ كەتتى. ءبىر-اق كۇندە. سويتە تۇرا قىرعىزستان ستاتيستيكانى راسىمەن بىرىكتىرىپ جاريالادى، قازاقستان سياقتى ايلا جاسامادى.
