ەكىباستۇز اۋدانىندا «رۋحاني جاڭعىرۋ» باعدارلاماسى جۇزەگە اسۋدا

4313
Adyrna.kz Telegram

«بولاشاققا باعدار: قوعامدىق سانانى جاڭعىرتۋ» باعدارلاماسى شەڭبەرىندە ەكىباستۇز ايماعى بويىنشا جوبالاردى جۇزەگە اسىرۋ جۇمىستارى جالعاسۋدا. ىسكە اسىرىلاتىن جوبالاردىڭ جۇمىس جوسپارى بەكىتىلىپ، ءتيىستى ءىس-شارالار جۇرگىزىلۋدە.

ماسەلەن، "ۇلتتىق تاريحتى جاڭعىرتۋ. يسابەك يشان كەسەنەسىن ("كيەلى گەوگرافيا"ارنايى جوباسى) ناسيحاتتاۋ جۇمىستارى جۇرگىزىلۋدە.

ەكىباستۇز ءوڭىرىنىڭ كيەلى جەرلەرىنىڭ رەسپۋبليكالىق كارتاسىنا ەكى ماڭىزدى نىسان كىردى: اقكول-جايىلما قالاشىعى جانە يسابەك يشان حازىرەت كەسەنەسى.

يسابەك يشان كەسەنەسى اقكول اۋىلدىق وكرۋگىندە (اقكول-جايىلما) ورنالاسقان. بيىل جەرگىلىكتى بيۋدجەتتەن ەلەكتر بەرۋ جەلىلەرىنىڭ قۇرىلىسىنا 65,0 ملن. تەڭگە ءبولىندى.  جۇمىستى "ABS - Electric" جشس مەردىگەرلىك ۇيىمى (تالدىقورعان ق.) ورىندادى. بۇگىندە ەلەكتر جەلىسىنىڭ قۇرىلىسى اياقتالعان. سونداي-اق كەسەنەنى جانە وعان ىرگەلەس اۋماقتى اباتتاندىرۋ بويىنشا ءىس-شارالار وتكىزىلدى. بۇل جۇمىس دەمەۋشىلىك قاراجات تارتۋ ەسەبىنەن ۇيىمداستىرىلعان. مۇنىڭ ءبارى ەلىمىزدىڭ باسقا وڭىرلەرىنەن كەلۋشىلەر مەن تۋريستەر سانىن ەداۋىر ارتتىرۋعا مۇمكىندىك بەرەدى.

وبلىستىق تىزىمگە "اق بيدايىق", "اۋليەكول قورىمى" جانە "ولەڭتى جازبالارى" پەتروگليفتەرى ەنگىزىلدى. وسى كيەلى ورىنداردى قورشاۋ بويىنشا جۇمىستار جۇرگىزىلدى.

سونداي-اق، ءتورت جاڭا نىسان انىقتالدى:

            كۇرەڭباي سىنشى زيراتى (اتاقتى جىلقى بىلگىرى كۇرەڭباي بەكۇلى ءومىر بويى شەشەندىك ونەرىمەن تانىمال بولعان.  مازارى ءتورتۇي اۋىلىنان سولتۇستىك-باتىسقا قاراي 4 كم جەردە ورنالاسقان. بۇل مازار جەرگىلىكتى ماڭىزدىلىعى بار قاجىلىق نىسانى بولىپ تابىلادى. ەسكەرتكىشكە كەلەتىن ادامدار دۇعا وقىپ، قۇربان شالادى، بۇرىنعى وتكەن اتا-بابالارىنان قولداۋ سۇرايدى).  

            تۇيتە اۋليەسىنىڭ تاسى (بۇل تاس اۋليەكول كولىنىڭ جاعاسىندا، قاراجار اۋىلىنىڭ ماڭىندا ورنالاسقان. ەسكەرتكىش ەكى ۇلكەن تاستاردىڭ قالدىقتارىنان تۇرادى. قازىرگى ۋاقىتتا بۇل تاستار جەردە جاتىر جانە جەرگىلىكتى تۇرعىندار وعان قورشاۋ جاساعان.  اۋىل ادامدارى قاسيەتتى تاستىڭ جانىنان وتەردە وعان دۇعا ەتەدى، تىلەك تىلەيدى.

 

 

 

            اۋليەكول كولى (اۋليەكول كولى ەكىباستۇز قالاسىنىڭ اۋىلدىق ايماعىنىڭ سولتۇستىك-باتىسىندا ورنالاسقان. عالىمداردىڭ پىكىرىنشە، كولدىڭ ەمدىك قاسيەتتەرى بار. قاسيەتتى سۋ ءار ءتۇرلى تەرى اۋرۋلارىن، جاراقاتتاردى ەمدەيدى. بۇل كولدە شومىلۋ ادام دەنساۋلىعىنا جاعىمدى اسەر ەتەدى).

            امالدىق سوپىنىڭ مازارى (بۇل جەردە كەزىندە بەلگىلى ۋاعىزشى بولعان امالدىق سوپى جاتىر. كەسەنەنى ونىڭ بالالارى سالعان. بالشىقتان كىرپىش جاساۋ تەحنولوگياسىنىڭ ارقاسىندا قۇرىلىس ۇزاق ۋاقىت بويى جاقسى ساقتالعان. سازعا ءجۇن جانە باسقا دا كومپونەنتتەر ارالاستىرىلعان، سوندىقتان بەكىنىستىڭ كىرپىشتەرى ۇزاق ۋاقىت بويى مىقتى بولادى).

بارلىق جوبالار مەن جوسپارلار دايەكتى تۇردە ورىندالۋدا.

 

 

 

ەكىباستۇز قالاسى اكىمدىگىنىڭ ءباسپاسوز قىزمەتى

پىكىرلەر