«Bolashaqqa baǵdar: qoǵamdyq sanany jańǵyrtý» baǵdarlamasy sheńberinde Ekibastuz aımaǵy boıynsha jobalardy júzege asyrý jumystary jalǵasýda. Iske asyrylatyn jobalardyń jumys jospary bekitilip, tıisti is-sharalar júrgizilýde.
Máselen, "Ulttyq tarıhty jańǵyrtý. Isabek Ishan kesenesin ("Kıeli geografııa"arnaıy jobasy) nasıhattaý jumystary júrgizilýde.
Ekibastuz óńiriniń kıeli jerleriniń respýblıkalyq kartasyna eki mańyzdy nysan kirdi: Aqkól-Jaıylma qalashyǵy jáne Isabek Ishan Haziret kesenesi.
Isabek Ishan kesenesi Aqkól aýyldyq okrýginde (Aqkól-Jaıylma) ornalasqan. Bıyl jergilikti bıýdjetten elektr berý jelileriniń qurylysyna 65,0 mln. teńge bólindi. Jumysty "ABS - Electric" JShS merdigerlik uıymy (Taldyqorǵan q.) oryndady. Búginde elektr jelisiniń qurylysy aıaqtalǵan. Sondaı-aq keseneni jáne oǵan irgeles aýmaqty abattandyrý boıynsha is-sharalar ótkizildi. Bul jumys demeýshilik qarajat tartý esebinen uıymdastyrylǵan. Munyń bári elimizdiń basqa óńirlerinen kelýshiler men týrıster sanyn edáýir arttyrýǵa múmkindik beredi.
Oblystyq tizimge "Aq bıdaıyq", "Áýlıekól qorymy" jáne "Óleńti jazbalary" petroglıfteri engizildi. Osy kıeli oryndardy qorshaý boıynsha jumystar júrgizildi.
Sondaı-aq, tórt jańa nysan anyqtaldy:
Kúreńbaı synshy zıraty (ataqty jylqy bilgiri Kúreńbaı Bekuly ómir boıy sheshendik ónerimen tanymal bolǵan. Mazary Tórtúı aýylynan soltústik-batysqa qaraı 4 km jerde ornalasqan. Bul mazar jergilikti mańyzdylyǵy bar qajylyq nysany bolyp tabylady. Eskertkishke keletin adamdar duǵa oqyp, qurban shalady, burynǵy ótken ata-babalarynan qoldaý suraıdy).
Túıte áýlıesiniń tasy (Bul tas Áýlıekól kóliniń jaǵasynda, Qarajar aýylynyń mańynda ornalasqan. Eskertkish eki úlken tastardyń qaldyqtarynan turady. Qazirgi ýaqytta bul tastar jerde jatyr jáne jergilikti turǵyndar oǵan qorshaý jasaǵan. Aýyl adamdary qasıetti tastyń janynan óterde oǵan duǵa etedi, tilek tileıdi.
Áýlıekól kóli (Áýlıekól kóli Ekibastuz qalasynyń aýyldyq aımaǵynyń soltústik-batysynda ornalasqan. Ǵalymdardyń pikirinshe, kóldiń emdik qasıetteri bar. Qasıetti sý ár túrli teri aýrýlaryn, jaraqattardy emdeıdi. Bul kólde shomylý adam densaýlyǵyna jaǵymdy áser etedi).
Amaldyq sopynyń mazary (Bul jerde kezinde belgili ýaǵyzshy bolǵan Amaldyq sopy jatyr. Keseneni onyń balalary salǵan. Balshyqtan kirpish jasaý tehnologııasynyń arqasynda qurylys uzaq ýaqyt boıy jaqsy saqtalǵan. Sazǵa jún jáne basqa da komponentter aralastyrylǵan, sondyqtan bekinistiń kirpishteri uzaq ýaqyt boıy myqty bolady).
Barlyq jobalar men josparlar dáıekti túrde oryndalýda.
Ekibastuz qalasy ákimdiginiń baspasóz qyzmeti
