بۇگىن شىمكەنت قالاسى اقپاراتتىق-كوممۋنيكاتسيالىق ورتالىعىندا وتكەن بريفينگتە قازنەتتە قىزۋ تالقىعا تۇسكەن بەينەجازباعا قاتىستى ساۋالدارعا شىمكەنت قالاسى تاۋارلار مەن كورسەتىلەتىن قىزمەتتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى عالىمجان ابىشەۆ پەن شىمكەنت قالالىق ەنەرگەتيكا جانە كوممۋنالدىق شارۋاشىلىق باسقارماسى باسشىسىنىڭ ورىنباسارى بولات ماليموۆ جاۋاپ بەردى.
– سىركە قىشقىلىقوسپاسىن كوپ قاباتتى تۇرعىن ءۇي اۋلالارىنا (1 156 اۋلا) جانە حالىق كوپ شوعىرلاناتىن قوعامدىق ورىندارعاارنايى سۋ شاشاتىن قۇرىلعىلارمەن قولدانىلادى. جۇمىس كونتسەنتراتسيالارىندا قولدانىلاتىن (0,001–0,03%) نۋك ەرىتىندىلەرىنىڭ وتكىر ءيىسى جوق، جەرگىلىكتى تىتىركەندىرگىش، سەنسيبيليزاتسيالايتىن جانە كۋمۋلياتيۆتى اسەرى جوق جانە تىنىس الۋ ورگاندارىنا تراۆماتيكالىق اسەر ەتپەيدى.ياعني سۇيىلتىلعان تۇرىندە ۋىتتىلىعى از زاتتار بولىپ تابىلادى. قازىرگى تاڭدا قالانى زالالسىزداندىرۋ جۇمىستارىنا ەكى ءتۇرلى قوسپا قولدانىلۋدا. اتاپ ايتقاندا، گيپوحلوريد كالتسي 35% (حلور) جانە سىركە قىشقىلى (نادۋكسۋسنايا كيسلوتا). جوعارىدا اتالعان ەكى قوسپانىڭ دا ءتيىستى ساراپتامالىق قورىتىندىسى بار، – دەدى ب.ماليموۆ.
ياعني، بەينەجازبادا كورسەتىلگەن ەڭبەكشى اۋدانىندا اسكەريلەر جاساعان دەزينفەكتسيالىق جۇمىستارىنا سىركە قىشقىلى (نادۋكسۋسنايا كيسلوتا) قولدانىلعان. مامانداردىڭ ايتۋىنشا، مۇنىڭ سۋمەن ارالاسقاننان كەيىن ءيىسى بولمايدى، ءتۇسى دە وزگەرمەيدى. ادام اعزاسىنا كەرى اسەرى جوق، قورشاعان ورتاعا قاۋىپتى ەمەس. ءبىر تيىمدىلىگى باكتەريالاردى تەز ارادا ولتىرەدى. ايتا كەتەيىك، اتالعان سۇيىقتىق دۇنيەجۇزىلىك دەنساۋلىق ساقتاۋ ۇيىمىمەن بەكىتىلگەن، ارنايى سەرتيفيكاتى بار. بىراق بەينەجازبا بارىسىندا بۇل جونىندە اسكەريلەر دەر كەزىندە جاۋاپ بەرە الماعان.
اسكەريلەردىڭ بەينەجازبا اۆتورىنىڭ ساۋالدارىنا جاۋاپ بەرە الماۋىنىڭ سەبەبى ولاردىڭ قۇرىلعىسىنا سىركە قىشقىلى ارالاستارىلعان ارنايى سۋدى اكەپ بەرەدى ەكەن.
جاۋاپتىلاردىڭ سوزىنە سەنسەك، سىركە قىشقىلىن ەلىمىزدىڭ وزگە دە وڭىرلەرىندە كوروناۆيرۋسقا قارسى كەڭىنەن قولدانىپ جاتىر. بۇگىندە ناتيجەسى دە جامان ەمەس.
– قازىرگى تاڭدا شىمكەنت قالاسىندا ىندەتتىڭ ءوسۋ ديناميكاسى تومەندەۋدە. بۇل – اتقارىلىپ جاتقان سانيتارلىق جۇمىستاردىڭ ناتيجەسى. ال الەۋمەتتىك جەلىدە تارالعان بەينەجازبا جايىندا ايتسام، زالالسىزداندىرۋ زاتتارىن قاراپايىم حالىق پايدالانۋعا بولمايدى. دەزينفەكتسيالىق زاتتاردىڭ ءۇش ءتۇرى بولادى. دەزينفەكتسيا ميكروورگانيزىمدەرگە، دەزينتسەكتسيا جاندىكتەرگە جانە ءۇشىنشى ءتۇرى – دەراتيزاتسيا، – دەدى ع.موتايۇلى.
سونداي-اق، بريفينگتە الەۋمەتتىك جەلىدە بەينەجازبا اۆتورىنا ارنايى تۇسىندىرمە جۇمىستارى جۇرگىزىلگەنى جانە دەزينفەكتسيالىق زاتتاردىڭ ساراپتامالىق قورىتىندىسى بار ەكەنى ايتىلدى.
ەسكە سالا كەتەيىك، كەشە الەۋمەتتىك جەلىدە تاراعان ۆيدەودا دەزينفەكتسيالىق جۇمىسقا كادىمگى سۋدى قولدانىپ جاتقانى تۋرالى ايتىلعان ەدى.
"ادىرنا" ۇلتتىق پورتالى
