ءبىلىم جانە عىلىم مينيسترلىگىنە اسحات ايماعامبەتوۆ كەلگەلى مينيسترلىك جۇمىسى قوعام تاراپىنان جوعارى باعالانىپ كەلەدى. كەيىنگى كەزدەرى ىسكەر مينيسترگە كۇيە جاعۋعا ارەكەتتەنىپ جاتقانقاندار دا بار ەكەن. ميرا باركازاتقىزى ولارعا ايماعامبەتوۆتەن الىس ءجۇرۋىن ءوتىندى.
ەل بىرلىگىن ساقتايمىن دەسەڭىزدەر اسحات ايماعامبەتوۆتەن الىسىراق جۇرىڭىزدەر!
ەڭبەگى كوپ:
- مۇعالىمدەرمەن بىرلەسە، اقىلداسا ءىس جۇرگىزدى
- شىعىنعا باتىپ، ءوزىن - ءوزى اقتاماعان جوو جاپتى
- ەڭ قيىن ساتتە وڭتايلى شەشىم قابىلداي ءبىلدى
- ۇبت ، كت - نىڭ ءادىل وتۋىنە كۇش سالدى
- باسقارۋ مەنەدجمەنتىن قايتا قۇرۋدى جوسپارلاپ، ءبىلىم باسقارمالارىن اكىمدەردەن الىپ، مينيسترلىككە باعىندىرۋدى قولعا الدى
- “الىپپە” مەن “انا ءتىلىن” قايتا قالپىنا كەلتىردى. بالكىم بۇل ايتىلعاندار “پاندەميا” بولماعاندا بيىل ورىندالار ما ەدى؟!
ەندى جالا جاپقاندارعا دا مويىن بۇرايىق، “جاۋىن ەلەمەگەن جارالى بولادى” دەيدى حالىق. جاۋ قايدان شىقتى؟
جىلدار بويى شالا جازىلعان وقۋلىق شىعارىپ، اقشا جەپ كەلگەندەردەن;
جالعان، شالا -جانسار باعدارلامانى تامىر-تانىس ارقىلى وتكىزگەندەردەن;
بۇرىنعى مينيسترمەن (ساعاديەۆ زامانىنان) بىرگە “جەپ”، ۇكىمەتتە وتىرعان دوكەي اعاسى بار قىزمەتكەردەن;
كت تاپسىرعاندا ايەلى (تۋىسى) وتپەي قالعان دوكەي دەپۋتتاردان;
ديپلومى پلاگيات بولعان دوكتور، اكادەميكتەردەن;
جاساندى ديپلوممەن “كۇيىپ كەتكەندەردەن”;
ۇبت -دا (بالاسىنا اقشامەن جوعارعى بالل الىپ بەرگىشتەر) جولى بولماعان مەنمەندەۋ بىرەۋدەن كەلدى.
“جۇت جەتى اعايىندى” دەيدى حالىق. ەل اشىنىپ وتىرعاندا، قايعىدان قان جۇتىپ، كوڭىلى قاپا بولعاندا، سىرقاتى مەڭدەپ مەڭ-زەڭ بولعاندا، ءبىلىم ءمينيسترى اسحات ايماعامبەتوۆتەن باسقا قايرات قىلعان قاي مينيستر بار؟!
دەنساۋلىق ءمينيسترى حالىقتى دەمەگەننىڭ ورنىنا ءدارى ساتتى، ولىكتى ساتتى، كور قازۋدى ساتتى، ءتىپتى ءار ازامات جۇمىسقا تۇرۋ ءۇشىن دەنساۋلىعى تۋرالى انىقتامانى ساتتى. وسىنى جازعاندا الدەكىمننىڭ مۇددەسىن قورعاۋدان اۋلاقپىن. كوزىم كورىپ، كوڭىلىم سەنگەن سوڭ ايتۋدى ازاماتتىق پارىز سانادىم. اتقارىلاتىن ءىستىڭ جولى ەندى اشىلعاندا بوگەت بولماڭىزدار! ەندى ءتورت جىلدان سوڭ، ءوزى دە تىزگىندى باسقاعا بەرەدى.
