El bırlıgın saqtaimyn deseŋızder Ashat Aimaǧambetovten alysyraq jürıŋızder!

Bılım jäne ǧylym ministrlıgıne Ashat Aimaǧambetov kelgelı ministrlık jūmysy qoǧam tarapynan joǧary baǧalanyp keledı. Keiıngı kezderı ısker ministrge küie jaǧuǧa ärekettenıp jatqanqandar da bar eken. Mira Barkazatqyzy olarǧa Aimaǧambetovten alys jüruın ötındı.  El bırlıgın saqtaimyn deseŋızder Ashat Aimaǧambetovten alysyraq jürıŋızder! Eŋbegı köp: - Mūǧalımdermen bırlese, aqyldasa ıs jürgızdı - şyǧynǧa batyp, özın - özı aqtamaǧan JOO japty - eŋ qiyn sätte oŋtaily şeşım qabyldai bıldı - ŪBT , KT - nyŋ ädıl ötuıne küş saldy - Basqaru menedjmentın qaita qūrudy josparlap, Bılım basqarmalaryn äkımderden alyp, ministrlıkke baǧyndyrudy qolǧa aldy - “Älıppe” men “Ana tılın” qaita qalpyna keltırdı. Bälkım būl aitylǧandar “pandemiia” bolmaǧanda biyl oryndalar ma edı?! Endı jala japqandarǧa da moiyn būraiyq, “jauyn elemegen jaraly bolady” deidı halyq. Jau qaidan şyqty? Jyldar boiy şala jazylǧan oqulyq şyǧaryp, aqşa jep kelgenderden; jalǧan, şala -jansar baǧdarlamany tamyr-tanys arqyly ötkızgenderden; būrynǧy ministrmen (Saǧadiev zamanynan) bırge “jep”, ükımette otyrǧan dökei aǧasy bar qyzmetkerden; KT tapsyrǧanda äielı (tuysy) ötpei qalǧan dökei deputtardan; diplomy plagiat bolǧan doktor, akademikterden; jasandy diplommen “küiıp ketkenderden”; ŪBT -da (balasyna aqşamen joǧarǧy ball alyp bergışter) joly bolmaǧan menmendeu bıreuden keldı. “Jūt jetı aǧaiyndy” deidı halyq. El aşynyp otyrǧanda, qaiǧydan qan jūtyp, köŋılı qapa bolǧanda, syrqaty meŋdep meŋ-zeŋ bolǧanda, Bılım ministrı Ashat Aimaǧambetovten basqa qairat qylǧan qai ministr bar?! Densaulyq ministrı halyqty demegennıŋ ornyna därı satty, ölıktı satty, kör qazudy satty, tıptı är azamat jūmysqa tūru üşın densaulyǧy turaly anyqtamany satty. Osyny jazǧanda äldekımnnıŋ müddesın qorǧaudan aulaqpyn. Közım körıp, köŋılım sengen soŋ aitudy azamattyq paryz sanadym. Atqarylatyn ıstıŋ joly endı aşylǧanda böget bolmaŋyzdar! Endı tört jyldan soŋ, özı de tızgındı basqaǧa beredı.

Mira Barkazatqyzy