بۇگىن نۇر-سۇلتان قالاسىنداعى جاڭا باس مەشىتتىڭ اشىلۋى بولدى، دەپ حابارلايدى “ادىرنا” ۇلتتىق پورتالى.
اشىلۋ سالتاناتىنا بۇرىنعى پرەمەر-مينيستر مامين، بۇرىنعى ۆيتسە-پرەمەر ساپارباەۆ، ۆيتسە-پرەمەر توعجانوۆ، الماتى وبلىسىنىڭ ەكس-اكىمى باتالوۆ، كاسىپكەر راحىمباەۆ جانە تۇڭعىش پرەزيدەنت نۇرسۇلتان نازارباەۆ قاتىستى.
ەسكە سالايىق، نازارباەۆ مەشىتتىڭ قۇرىلىسىنا العاش كىرپىش قالاعان ەدى.
سونداي-اق، نازارباەۆتىڭ ەسىمى جاڭا مەشىتتىڭ تاسىنا جازىلعان. ەكس-پرەزيدەنت مەشىتتىڭ قۇرىلىسى ونىڭ يدەياسى ەكەنىن دە ەسكە سالدى.
فوتو: holonews.kz«بارشاڭىزدى مەشىتتىڭ اشىلۋىمەن قۇتتىقتايمىن. وسى جىلدار ىشىندە ەلوردادا كوپتەگەن عيماراتتار سالىندى، بىراق بۇل مەشىتتىڭ الاتىن ورنى ەرەكشە. وسى جەردە وقىلاتىن دۇعالاردىڭ بارلىعىن اللا قابىل ەتسىن.
پرەزيدەنتتىك مەرزىمىم بىتكەن سوڭ وسى مەشىتتىڭ تاسىن قالادىم. بۇل وتان الدىنداعى پەرزەنتتىك پارىز دەپ ويلايمىن»، – دەدى تۇڭعىش پرەزيدەنت.
”ادىرنا” ۇلتتىق پورتالى
