ەڭ ايگىلى مۋزەيلەر تۋرالى ماقالالار سەرياسىن جالعاستىرامىز.
الەمدەگى ءىرى مۋزەيلەردىڭ ءبىرى — لوندونداعى بريتان مۇراجايى. مۇندا كوپتەگەن مۇراجايلار، كورمەلەر، گالەرەيالار جانە باسقا دا مادەني نىساندار شوعىرلانعان. مۇراجايدىڭ نەگىزى 1753 جىلى قالانعان.
بريتان مۋزەيىنىڭ كىتاپحاناسىندا 7 ملن-نان استام كىتاپ، 105 مىڭداي قولجازبا بار.
بريتان مۇراجايى لۋۆردان كەيىنگى الەمدەگى ەكىنشى ءىرى ەكسپونات. جالپى ۇزىندىعى 4 شاقىرىمدىق 94 گالەرەيادان تۇرادى. مۇراجايدىڭ كوللەكتسياسىندا 13 ميلليون ەكسپونات بار.
بريتان مۋزەيى تۋرالى دەرەكتەر.
1.بريتان مۇراجايى ءجۇز جىلدان استام ۋاقىت بويى سالىندى.
2.مۋزەي قورىندا 8 ميلليونعا جۋىق جادىگەر بار. اۋماعى 6 گەكتار. مۇندا الەمنىڭ تۇكپىر-تۇاپىرىنەن جينالعان ەكى ميلليون جىلدىق تاريحتى قامتيتىن جادىگەرلەر كوللەكتسياسى جينالعان. مىسالى، تيىندار مەن مەدالدار كوللەكتسياسى، كونە ەگيپەت تۋىندىلارى، انتيكالىق جانە ورتا عاسىرلىق شەبەرلەرگە ءتان شىعارماشىلىق جۇمىستار، كوركەم ونەر تۋىندىلارى ت.ب. كوللەكتسيالار بار.
3.بريتان مۋزەيى ءار كۆارتال سايىن «British Museum Quarterlۋ» اتتى ءتول جۋرنالىن شىعارادى.
4. ۇزاق جىلدار بويى مۋزەيدىڭ ەڭ قۇندى جادىگەرلەرى قاتىرىندا كىتاپحاناسى دا بار بولاتىن. كىتاپ قورىنىڭ وراسان زور بولۋىنا بايلانىستى 1972 جىلى كىتاپحانانى مۋزەيدەن بولۋگە تۋرا كەلدى.
5.بريتان مۋزەيىندە 6 مىسىق جۇمىس ىستەيدى. ءتىپتى ولارعا 50 فۋنت ستەرلينگ جالاقى تولەنەدى. مىسىقتار مۋزەيگە تىشقان مەن ەگەۋقۇيرىقتان زيان كەلتىرمەس ءۇشىن قىزمەت ەتەدى.
6. ءىح عاسىردا جازىلعان ەجەلگى تۇرىك حالىقتارىنىڭ "بولجاۋ كىتىبى" بار. ول كونە رۋنا جازۋىمەن جازىلعان. ونىڭ جازىلعان ۋاقىتى ۇيعىر قاعاناتىنىڭ ءومىر سۇرگەن تۇسىنا ساي كەلەدى. كىتاپ كولەمى 13,75 ح 8,75 سم، جالپى 104 بەتتەن تۇرادى. كىتاپ 1907 جىلدان باستاپ وسى مۋزەيدە ساقتاۋلى تۇر.
7. "قازاق ءماسىسى". بريتان مۇراجايىندا 20-دان استام يسلام الەمىنە تيەسىلى كونە ەتىكتەر بار. ولاردىڭ ىشىندە شەتەلدىكتەردى تاڭ قالدىراتىن قازاق ءماسىسى بار. ءماسى 1900 جىلى بالقاش كولى ماڭىندا جاسالعان. ەر كىسىلەر مەن ايەلدەرگە ارنالعان ءماسى تەرىدەن جاسالىپ، ويۋ-ورنەكتەرمەن بەزەندىرىلگەن. ورنەكتەر تابيعاتتى، قوي، مىسىق سەكىلدى جانۋارلاردى سۋرەتتەيدى.
دايىنداعان گۇلۆيرا اسقار،
"ادىرنا" ۇلتتىق پورتالى
