مەملەكەت باسشىسى قاسىم-جومارت توقاەۆ ءوز ءۇندەۋىندە 13 شىلدەنى – ۇلتتىق ازا تۇتۋ كۇنى دەپ جاريالادى. بۇل كۇنى مەملەكەتتىك مەكەمەلەردەگى مەملەكەتتىك تۋ تومەن ءتۇسىرىلىپ، بارلىق مادەني ءىس-شارالار توقتاتىلادى.
ۇلتتىق ازا تۇتۋ كۇنىندە اسكەريلەر ءبىر مينۋت ۇنسىزدىك جاريالاۋ ءراسىمىن وتكىزدى. كوروناۆيرۋس ىندەتىنەن قازا بولعان ازاماتتارعا اسكەريلەر باس كيىمدەرىن شەشۋ ارقىلى تاعزىم ەتتى.
«بۇكىل الەمدى جايلاعان كوروناۆيرۋس ىندەتءى ەشكىمگە وڭاي ءتيىپ وتىرعان جوق. بۇل ىندەت ەلىمىزدەگى بەلگىلى قايراتكەرلەر مەن سول ىندەتپەن كۇرەسۋ جولىندا قازا تاپقان اق حالاتتى ابزال جانداردى جانە ەل ازاماتتارىن ارامىزدان الىپ كەتتى. وسىنداي ساتتە ءبىز ءبىرتۇتاس مەملەكەت ەكەنىمىزدى كورسەتۋىمىز كەرەك. قارا جامىلعان وتباسىلاردىڭ قايعىسىنا ورتاقتاسىپ كوڭىل ايتامىز. جاقىنىمىزعا جاناشىر بولا بىلەيىك»، -دەدى «شىعىس» وڭىرلىك قولباسشىلىعى اسكەرلەرى قولباسشىسىنىڭ تاربيە جانە يدەولوگيالىق جۇمىستارى جونىندەگى ورىنباسارى پولكوۆنيك اكيشەۆ ارىنعالي.
ايتا كەتەيىك، قازاقستاندا كوروناۆيرۋس جۇقتىرعاندار سانى 51059-عا جەتتى. ونىڭ 16928-ءى اۋرۋدان جازىلسا، 280 ناۋقاس كوز جۇمعان.
