Áskerıler indetten qaza tapqandardy aza tutty

313

Memleket basshysy Qasym-Jomart Toqaev óz Úndeýinde 13 shildeni – Ulttyq aza tutý kúni dep jarııalady. Bul kúni memlekettik mekemelerdegi Memlekettik TÝ tómen túsirilip, barlyq mádenı is-sharalar toqtatylady.

Ulttyq aza tutý kúninde áskerıler bir mınýt únsizdik jarııalaý rásimin ótkizdi. Koronavırýs indetinen qaza bolǵan azamattarǵa áskerıler bas kıimderin sheshý arqyly taǵzym etti.

«Búkil álemdi jaılaǵan koronavırýs indeti eshkimge ońaı tıip otyrǵan joq. Bul indet elimizdegi belgili qaıratkerler men sol indetpen kúresý jolynda qaza tapqan aq halatty abzal jandardy jáne el azamattaryn aramyzdan alyp ketti. Osyndaı sátte biz birtutas memleket ekenimizdi kórsetýimiz kerek. Qara jamylǵan otbasylardyń qaıǵysyna ortaqtasyp kóńil aıtamyz. Jaqynymyzǵa janashyr bola bileıik», -dedi «Shyǵys» óńirlik qolbasshylyǵy áskerleri qolbasshysynyń tárbıe jáne ıdeologııalyq jumystary jónindegi orynbasary polkovnık Akıshev Arynǵalı.

Aıta keteıik, Qazaqstanda koronavırýs juqtyrǵandar sany 51059-ǵa jetti. Onyń 16928-i aýrýdan jazylsa, 280 naýqas kóz jumǵan.

Pikirler
Redakııa tańdaýy