ايتىسكەر اقىن اينۇر تۇرسىنباەۆا حالىقتان ءسۇيىنشى سۇرادى. ايتۋلارىنشا، ەرىكتىلەر كومەگىمەن 825 وتتەگى كونتسەنتراتورىنىڭ اقشاسىن جيناعان.
"ال ءسۇي̆ىنشى!!!
825 اپپارات!825 وتتەگى كونتسەنتراتورى!
825 اۋرۋحانا!@aidyn_nury_qory
ءيا، اي̆نالدىرعان 5 كۇندە 825 اپپاراتتىڭ قارجىسىن جيناپ تاستادىق..وڭاي̆ بولعان جوق! @dauletten @dinarasatzhan ۇشەۋمىز 24 ساعات تەلەفوندا وتىرىپ جەتكەن جەتىستىگىمىز وسى بولدى.. كىشكەنە كوپشىك قوي̆ىپ جىبەرسەڭىزدەر 1000-عا جەتكىزىپ تاستاۋىمىز مۇمكىن. قالتالى ازاماتتارعا جالىنىپ جازدىق، ولەڭدەتىپ جازدىق..
كىمنەن، قالاي̆ جيناعانىمىزدى اي̆تىپ ميلارىڭىزدى شىرىتپەي̆-اق قوياي̆ىن. كىمنىڭ قانشا بەرگەنىن دە اي̆تپاي̆-اق قوياي̆ىن.. سەبەبى قارا حالىقتىڭ تيىنداپ بەرگەنى قالتالى باي̆دىڭ ميلليونىنان قۇندى!125 اپپارات تۇركيادان بۇگىن جەتەدى. 700 اپپارات 10-15 كۇننىڭ ىشىندە قىتاي̆دان كەلەدى. دەنساۋلىق ساقتاۋ ءمينيسترى @alexey_tsoy تاراتۋعا كومەكتەسەتىنىن اي̆تىپ قۋانتىپ جاتىر..
اي̆تپاقشى، وسى وتتەگى كونتسەنتراتورى تۋرالى يدەيا قاي̆دان شىققانىن اي̆تاي̆ىن. فەي̆سبۋكتى اشسام قاپتاعان "يماندى بولسىن", ينستاگرامدا دا دا سول... ۆاتساپتا دا سول. ءدارى-دارمەك ىزدەپ ەڭىرەگەن حالىق.. "تۇركيادان دەكسامەتازون جىبەر، انتيبيوتيك جىبەر" دەپ جىلاعان جۇرت ۆاتساپقا تىنىم بەرمەدى..
سونىمەن، 5 ميلليون تەڭگەنى سالىپ الىپ، @satjan_toktarbay-دى ەرتىپ ستامبۋلدان پاراتسەتومول مەن انتيبيوتيك ىزدەپ شىقتىق...مەن يۆل مەن كونتسەنتراتور دەگەندى كورمەك تۇگىل ەستىمەپپىن. ءدارىحانادا كەزەكتى تۇرىپ "مىناۋ نە نارسە" دەپ سۇراي̆ سالدىم. سوي̆تسەم، وكپەسى قىسىلعان جۇرتقا وتتەگى بەرەتىن ەڭ قاجەتتى دۇنيە ەكەن... "وي̆باي̆-اۋ، باعاسى قانشا؟!" "200 مىڭداي̆!" ءوي̆، جۇرتتى شىبىنشا قىرىپ بارا جاتقان اۋرۋدىڭ ەمى تۇككە تۇرماي̆تىن اقشا عوي̆ قۇرسىن، وسىنى الاي̆ىق دەدىم. ينستاگرامدى ءبىر شۋلاتىپ 25 اپپاراتتى ساتىپ الدىم. ەرتەسىنە @kairatzholdybaiuly حابارلاسىپ ءمان-جاي̆دى ءبىلدى دە، اقشا جيناۋدى باستاپ كەتتى. كەشە باسقا ءبىر كاسىپكەر ازاماتتار قىتاي̆دان 500 اپاراتكا تاپسىرىس بەرىپتى دەپ ەستىدىك. نە كەرەك 5-6 كۇننىڭ ىشىندە جۇرتتىڭ ءبارى اپپارات ىزدەپ كەتتى... قۇداي̆-اۋ وسىنى الىڭدار دەپ نەگە بىزگە ەرتەرەك اي̆تپادى دارىگەرلەر دەپ قويام. ەڭ بولماسا 1 اي̆ بۇرىن قيمىلداساق قانشاما ادامدى امان الىپ قالار ما ەدىك؟! ەستۋىمشە، كوپتەگەن ناۋقاستار اۋا جەتپەي̆ تۇنشىعىپ باستاعاندا جۇرەكتەرى قورقىنىشتان جارىلىپ ءولىپ كەتەدى ەكەن. اي̆نالدىرعان 3-4 بلوگەر وسىنشا اقشا جيناعاندا بيزنەسمەندەر قازاقستانعا اپپاراتتى ءۇي̆ىپ تاستاي̆دى عوي̆. جاعداي̆ اۋىر! كۇزدە تاعى كەلەدى دەي̆دى بۇل تاجال. قامداناي̆ىق قازاعىم!", - دەدى ينستاگرام پاراقشاسىندا.
https://www.instagram.com/aidyn_nury
اقىن 1000 اپپاراتقا اقشا جينالعانىن، ەندى اقشا جيناۋدى توقتاتقانىن حابارلادى.
"13 شىلدە،16.00-دە توقتاتتىق! ءبىزدىڭ قورعا اۋدارامىز دەپ اقشا جيناپ جاتقان بلوگەرلەر سىزدەردەن ءوتىنىش! اقشا جيناۋ توقتاتىلدى!
1000 اپاراتتىق اقشاسى تولىق جينالىپ ءبىتتى! بارلىق ۇلەس قوسقاندارعا اللا رازى بولسىن.!", - دەپ جازدى پاراقشاسىندا.
