Aitysker aqyn Ainūr Tūrsynbaeva halyqtan süiınşı sūrady. Aitularynşa, erıktıler kömegımen 825 ottegı konsentratorynyŋ aqşasyn jinaǧan.
"Al süĭınşı!!!
825 APPARAT!825 OTTEGI KONSENTRATORY!
825 AURUHANA!@aidyn_nury_qory
İä, aĭnaldyrǧan 5 künde 825 APPARATTYŊ qarjysyn jinap tastadyq..Oŋaĭ bolǧan joq! @dauletten @dinarasatzhan üşeumız 24 saǧat telefonda otyryp jetken jetıstıgımız osy boldy.. Kışkene köpşık qoĭyp jıberseŋızder 1000-ǧa jetkızıp tastauymyz mümkın. Qaltaly azamattarǧa jalynyp jazdyq, öleŋdetıp jazdyq..
Kımnen, qalaĭ jinaǧanymyzdy aĭtyp milaryŋyzdy şırıtpeĭ-aq qoiaĭyn. Kımnıŋ qanşa bergenın de aĭtpaĭ-aq qoiaĭyn.. Sebebı qara halyqtyŋ tiyndap bergenı qaltaly baĭdyŋ millionynan qūndy!125 apparat Türkiiadan bügın jetedı. 700 apparat 10-15 künnıŋ ışınde Qytaĭdan keledı. Densaulyq saqtau ministrı @alexey_tsoy taratuǧa kömektesetının aĭtyp quantyp jatyr..
Aĭtpaqşy, osy ottegı konsentratory turaly ideia qaĭdan şyqqanyn aĭtaĭyn. Feĭsbuktı aşsam qaptaǧan "imandy bolsyn", instagramda da da sol... Vatsapta da sol. Därı-därmek ızdep eŋıregen halyq.. "Türkiiadan deksametazon jıber, antibiotik jıber" dep jylaǧan jūrt vatsapqa tynym bermedı..
Sonymen, 5 million teŋgenı salyp alyp, @satjan_toktarbay-dy ertıp Stambuldan parasetomol men antibiotik ızdep şyqtyq...Men İVL men konsentrator degendı körmek tügıl estımeppın. Därıhanada kezektı tūryp "mynau ne närse" dep sūraĭ saldym. Söĭtsem, ökpesı qysylǧan jūrtqa ottegı beretın eŋ qajettı dünie eken... "Oĭbaĭ-au, baǧasy qanşa?!" "200 myŋdaĭ!" Öĭ, jūrtty şybynşa qyryp bara jatqan aurudyŋ emı tükke tūrmaĭtyn aqşa ǧoĭ qūrsyn, osyny alaĭyq dedım. İnstagramdy bır şulatyp 25 apparatty satyp aldym. Ertesıne @kairatzholdybaiuly habarlasyp män-jaĭdy bıldı de, aqşa jinaudy bastap kettı. Keşe basqa bır käsıpker azamattar Qytaĭdan 500 aparatka tapsyrys berıptı dep estıdık. Ne kerek 5-6 künnıŋ ışınde jūrttyŋ bärı apparat ızdep kettı... Qūdaĭ-au osyny alyŋdar dep nege bızge erterek aĭtpady därıgerler dep qoiam. Eŋ bolmasa 1 aĭ būryn qimyldasaq qanşama adamdy aman alyp qalar ma edık?! Estuımşe, köptegen nauqastar aua jetpeĭ tūnşyǧyp bastaǧanda jürekterı qorqynyştan jarylyp ölıp ketedı eken. Aĭnaldyrǧan 3-4 bloger osynşa aqşa jinaǧanda biznesmender Qazaqstanǧa apparatty üĭıp tastaĭdy ǧoĭ. Jaǧdaĭ auyr! Küzde taǧy keledı deĭdı būl tajal. Qamdanaĭyq qazaǧym!", - dedı instagram paraqşasynda.
https://www.instagram.com/aidyn_nury
Aqyn 1000 apparatqa aqşa jinalǧanyn, endı aqşa jinaudy toqtatqanyn habarlady.
"13 ŞILDE,16.00-DE TOQTATTYQ! Bızdıŋ qorǧa audaramyz dep aqşa jinap jatqan blogerler sızderden ötınış! Aqşa jinau TOQTATYLDY! 1000 APARATTYQ AQŞASY TOLYQ JİNALYP BITTI! Barlyq üles qosqandarǧa Alla razy bolsyn.!", - dep jazdy paraqşasynda.
