اۋىت مۇقيبەك: بۇگىنگى قارالى كۇن – ەڭ سوڭعى جالپىۇلتتىق ازا تۇتۋ كۇنى بولسىن دەپ تىلەيىك

238

نۇر-سۇلتان. قازاقپارات – قوعام قايراتكەرى، قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى اۋىت مۇقيبەك كوروناۆيرۋس ينفەكتسياسىنان كوز جۇمعان مارقۇمداردىڭ وتباسىنا كوڭىل ايتتى، دەپ حابارلايدى قازاقپارات ءتىلشىسى. «نە ايتارىمدى بىلمەيمىن، بىراق ەرتەڭنەن ءۇمىتىم زور! اپات ايتىپ كەلمەيدى ەكەن. شىن مانىسىندە، بۇل – ءۇشىنشى دۇنيەجۇزىلىك سوعىس! «اجال وعى قاي جاعىمىزدان كەلىپ، جالپامىزدان تۇسىرەدى؟» دەگەن ۇرەي بۇكىل ادامزات بالاسىنىڭ ميىن تورلاپ العان. قىمباتتى مەنىڭ قانداستارىم! «قىرىق جىل قىرعىن بولسا دا اجالدى ولەدى» دەگەن ءسوز بار. قانشاما بوزداقتارىمىزدان، جاقسىلارىمىزدان ايىرىلىپ جاتىرمىز؟! وتە وكىنىشتى جاعداي»، - دەپ جازدى اۋىت مۇقيبەك Facebook پاراقشاسىندا. ۇلتتىق قوعامدىق سەنىم كەڭەسىنىڭ مۇشەسى مارقۇمداردىڭ وتباسىنىڭ قايعىسىنا ورتاقتاسىپ، كوڭىل ايتتى. «اللا ولاردىڭ جاتقان جەرىن جايلى، يمانىن سالامات قىلسىن! ارتىندا قالعان ەل-جۇرتى امان بولسىن! بۇل – ەڭ سوڭعى ۇلتتىق ازا تۇتۋ كۇنى بولسىن دەپ تىلەيىك اعايىن! اۋىرىپ جاتقان اعايىنعا كۇش-قۋات تىلەيمىن. قايراتتى بولىڭىزدار، ساۋىعىپ كەتەسىزدەر. امان بولايىق!» - دەپ ءتۇيدى اۋىت مۇقيبەك. ايتا كەتسەك، ەلىمىزدە قالىپتاسقان احۋالعا بايلانىستى حالىققا ۇندەۋ جاساعان قر پرەزيدەنتى قاسىم-جومارت توقاەۆ 13 شىلدەنى – ۇلتتىق ازا تۇتۋ كۇنى دەپ جاريالايتىنى تۋرالى ءمالىم ەتكەن بولاتىن. ءتيىستى وكىمگە مەملەكەت باسشىسى كەلەسى كۇنى قول قويدى. قازاقستاندا كوروناۆيرۋس پاندەمياسىنىڭ قۇربانى بولعان ازاماتتاردى ەسكە الۋعا بايلانىستى بۇگىن - جالپىۇلتتىق ازا تۇتۋ كۇنى.

پىكىرلەر
رەداكتسيا تاڭداۋى