Basty bet
Jańalyqtar
Aýyt Muqıbek: Búgingi qaraly kún – eń sońǵy Jalpyulttyq aza tutý kúni bolsyn dep tileıik

Aýyt Muqıbek: Búgingi qaraly kún – eń sońǵy Jalpyulttyq aza tutý kúni bolsyn dep tileıik

13.07.2020

2762

NUR-SULTAN. QazAqparat – Qoǵam qaıratkeri, QR Prezıdenti janyndaǵy Ulttyq qoǵamdyq senim keńesiniń múshesi Aýyt Muqıbek koronavırýs ınfekııasynan kóz jumǵan marqumdardyń otbasyna kóńil aıtty, dep habarlaıdy QazAqparat tilshisi. «Ne aıtarymdy bilmeımin, biraq erteńnen úmitim zor! Apat aıtyp kelmeıdi eken. Shyn mánisinde, bul – úshinshi dúnıejúzilik soǵys! «Ajal oǵy qaı jaǵymyzdan kelip, jalpamyzdan túsiredi?» degen úreı búkil adamzat balasynyń mıyn torlap alǵan. Qymbatty meniń qandastarym! «Qyryq jyl qyrǵyn bolsa da ajaldy óledi» degen sóz bar. Qanshama bozdaqtarymyzdan, jaqsylarymyzdan aıyrylyp jatyrmyz?! Óte ókinishti jaǵdaı», - dep jazdy Aýyt Muqıbek Facebook paraqshasynda. Ulttyq qoǵamdyq senim keńesiniń múshesi marqumdardyń otbasynyń qaıǵysyna ortaqtasyp, kóńil aıtty. «Alla olardyń jatqan jerin jaıly, ımanyn salamat qylsyn! Artynda qalǵan el-jurty aman bolsyn! Bul – eń sońǵy Ulttyq aza tutý kúni bolsyn dep tileıik aǵaıyn! Aýyryp jatqan aǵaıynǵa kúsh-qýat tileımin. Qaıratty bolyńyzdar, saýyǵyp ketesizder. Aman bolaıyq!» - dep túıdi Aýyt Muqıbek. Aıta ketsek, elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shildeni – Ulttyq aza tutý kúni dep jarııalaıtyny týraly málim etken bolatyn. Tıisti ókimge Memleket basshysy kelesi kúni qol qoıdy. Qazaqstanda koronavırýs pandemııasynyń qurbany bolǵan azamattardy eske alýǵa baılanysty búgin - Jalpyulttyq aza tutý kúni.

Facebook - парақшамызға жазылыңыз!