الەمدى الەككە سالعان جۇقپالى ىندەتتىڭ ەلىمىزدە بەلەڭ الۋىنان قايعىلى جاعدايلار وتە كوبەيىپ، سوعىس كەزىندەگىدەي قازاق وتباسى قارا جامىلىپ قالدى.
بۇل كەزەڭدى سوعىسپەن بىردەي دەپ ايتۋعا بولادى. سەبەبى اسكەري سوعىستا ءوز جاۋىڭنىڭ سانىن ءبىلىپ، تاكتيكاسىن بارلاپ، سوعان قارسى قارسى قورعانىسىڭدى، شابۋىلدى كۇشەيتەسىڭ.
ال كوروناۆيرۋس – كورىنبەي كەلىپ، القىمىڭنان كەلىپ ءبىر الاتىن كورىنبەيتىن جاۋ.
ۇلى وتان سوعىسى جىلدارى ەل باسىنا كۇن تۋعاندا مانشۇك پەن ءاليا باتىر قىزدارىمىز وزدەرى سۇرانىپ، مايدانعا اتتانىپ ەرلىك كورسەتىپ ەدى.
ەندى قازاقتى شەتىنەن جالماپ كەلە جاتقان كورىنبەيتىن جاۋدى توقتاتۋ ءۇشىن ازۋلى ايتىسكەر اقىن اينۇر تۇرسىنباەۆا مەن بەلگىلى تەلەارنا جۇرگىزۋشىسى، جۋرناليست جانات باقىت حالقىنا كومەك بەرىپ، يماندىلىقتارىن، ۇلت ادامگەرشىلىكتەرىن كورسەتتى.
كوروناۆيرۋسپەن كۇرەسۋگە بولىنگەن 6 ترلن تەڭگەنىڭ جانە وزگە مەملەكەتتەردەن كەلگەن گۋمانيتارلىق كومەكتەردىڭ ءتيىستى دەنساۋلىق سالاسىنا جەتپەۋىنەن جانە دۇرىس بولىنبەۋىنەن ناۋقاستارعا تىنىس الۋ اپپاراتتارى جەتىسپەي، سوڭعى 20 كۇن ىشىندە ەلىمىزدە قايعىلى جاعدايلار وتە كوبەيىپ كەتتى.
ەل باسىنا كۇن تۋعاندا ۇكىمەت شاراسىزدىق تانىتىپ، ابدىراپ قالعاندا، تەك وزىنە عانا ءتان سىپايى مىنەزىمەن، جۇمساق قوڭىر ۇنىمەن تىڭداۋشىنىڭ كوكىرەگىنە ساۋلە قۇيارلىق ەتىپ، تولعانتىپ-تەبىرەنتىپ جەتكىزەتىن، ايتىستا بىرنەشە رەت باس جۇلدە يەلەنگەن ايتىسكەر اقىن اينۇر تۇرسىنباەۆا مەن وزگەگە ۇقسامايتىن مىقتى ديكتسياسى مەن اۋەزدى ۇنىمەن كورەرمەندەرگە جاڭالىقتى شەبەر جەتكىزە بىلەتىن جانات باقىت ىندەت جۇقتىرعان ادامدارعا اسا قاجەتتى تىنىس الۋ اپپاراتتارىن تۇركيا ەلىنەن الدىرۋ ءۇشىن باستاما كوتەردى.
قوس قايسار قىزىمىز حالىقتان قارجى جيناپ، تۇركيا ەلىنە اينۇر تۇرسىنباەۆا ءوزى بارىپ، ەلگە 125 دانا تىنىس الۋ اپپاراتتارىن اكەلدى.
"ەل باسىنا كۇن تۋسا، ەر ەتىگىمەن سۋ كەشەر" دەمەكشى، قولىندا بيلىگى، قوماقتى قارجىسى بار ەر ازاماتتار ءۇنسىز، ءىس-ارەكەتسىز وتىرعاندا نازىك جاندى ازاماتشا بولا تۇرا، قازاعىن ويلاپ، وسىنداي يگى ءىس جاساۋلارى- اينۇر مەن جاناتتىڭ باتىرلىعى، يماندىلىعى، ادامگەرشىلىگى جانە ۇلتىنا جاناشىرلىعىنا ناقتى دالەل ەمەس جانە وزگەلەرگە ۇلگى بولارلىق ونەگەلى يگى ءىس.
قازاقتىڭ قايسار، يماندى قوس قىزى اينۇر مەن جاناتقا حالقىنىڭ اماندىعىن ويلاپ، جاساعان يماندىلىق يگى ىستەرىنە ريزاشىلىعىمىزدى بىلدىرە، راقمەت ايتامىز!
مىقتى دەنساۋلىق، وتباسىنا اماندىق، يگى ىستەرىنە بەرەكە تىلەيمىز!
تالعات قاتاۋوۆ،
تاۋەلسىز كاسىپوداق ۇيىمى توراعاسى
