پرەزيدەنتتىڭ كەڭەيتىلگەن وتىرىستا ايتقان ءدارى-دارمەك تاپشىلىعىنا قاتىستى شەشىمدەرى جايلى ۇلتتىق كەڭەس مۇشەسى، قوعام قايراتكەرى مۇرات ابەنوۆ الەۋمەتتىك جەلىدەگى پاراقشاسىندا جازدى، دەپ حابارلايدى Strategy2050.kz ءتىلشىسى.
مۇرات ابەنوۆتىڭ پىكىرىنشە بۇل ىسكە قۇزىرلى ورگاندار ارالاسۋ قاجەت.
ءدارى-دارمەك تاپشىلىعىنا كىنالى قور باسشىلارىن جۇمىستان شىعارۋ ازدىق ەتەدى. قانشاما ادام قايتىس بولدى. قازاقستان رەسپۋبليكاسىنىڭ قاۋىپسىزدىك كوميتەتى مەن باس پروكۋراتۋراسى بۇل ءىستى قاراۋ كەرەك، - دەپ جازدى قوعام بەلسەندىسى.
ونىڭ ايتۋىنشا، قازاقستاندىقتار ءۇشىن ءدارى-دارمەك ماسەلەسىمەن پرەزيدەنتتىڭ ءوزى تىكەلەي اينالىسىپ جاتقانى وتە ماڭىزدى.
بىرىنشىدەن، دەنساۋلىق ساقتاۋ سالاسى ءدارى-دارمەك تاپشىلىعىن قولدان جاساۋ ارقىلى ۇلكەن تراگەديالارعا جول بەردى. دەنساۋلىق ساقتاۋ مينيسترلىگى الدىن الا ءدارى-دارمەك ءتىزىمىن قاراستىرۋدىڭ ورنىنا «سق فارماتسياعا» تاپسىرىپ قويدى. ەلدەگى ءدارى-دارمەكتى ساتىپ الۋ تەك ءبىر عانا ۇيىم ارقىلى جۇرگىزىلدى. ناتيجەسىندە ءدارىحانا سورەلەرىنەن دارىلەر جوق بولدى. پرەزيدەنت وسى ماسەلەنى كوتەرىپ، وسى ماسەلەگە جاۋاپتى قور باسشىلارىن جۇمىستان بوساتىپ، تەكسەرۋدى تاپسىرعانى دۇرىس شەشىم دەپ ويلايمىن، - دەدى م.ابەنوۆ.
