وكپە قابىنۋىنان بۇگىن الماتى وبلىسى اكىمىنىڭ ورىنباسارى سەرىكجان بەسكەمپىروۆ قايتىس بولدى دەپ حابارلايدى "ادىرنا" "حابار 24"-كە سىلتەمە جاساپ.
سەرىكجان بەسكەمپىروۆ 1960 جىلى 1 قاڭتاردا تۋعان، ۇيلەنگەن، ەكى بالاسى بار.
وسى جىلدار ىشىندە ول ۇشتوبە ەت كومبيناتىندا اعا بريگادير، سلەسار، «تەمىرلان» جشس ديرەكتورى، تالدىقورعان قالاسى اكىمى اپپاراتىنىڭ ءبولىم باستىعى، قاراتال اۋدانى اكىمىنىڭ ورىنباسارى، قاراتال اۋدانىنىڭ اكىمى، تەكەلى قالاسىنىڭ اكىمى قىزمەتتەرىن اتقاردى. ول 2012 جىلدىڭ ماۋسىم ايىنان باستاپ الماتى وبلىسى اكىمىنىڭ ورىنباسارى قىزمەتىن اتقاردى.
ول بىرنەشە جىلدان بەرى اۋىل شارۋاشىلىق سالاسىنا جەتەكشىلىك ەتىپ، ونىڭ دامۋىنا ءوز ۇلەسىن قوسقان ەدى. سونىمەن قاتار وسى دەرتتەن وبلىستىڭ باس سانيتارلىق دارىگەرى قايرات بايمۇحامبەتوۆ تە كوز جۇمدى. وسى لاۋازىمدا ءبىر جىلدان اسا قىزمەت ەتكەن مارقۇم وڭىردە كوروناۆيرۋس ىندەتىنىڭ تارالماۋى ءۇشىن قاۋىپسىزدىك تالاپتارىن ەنگىزىپ، ەل اماندىعىن ساقتاۋ ماقساتىندا ەڭبەك ەتكەن بولاتىن.
