Ókpe qabynýynan búgin Almaty oblysy ákiminiń orynbasary Serikjan Beskempirov qaıtys boldy dep habarlaıdy "Adyrna" "Habar 24"-ke silteme jasap.
Serikjan Beskempirov 1960 jyly 1 qańtarda týǵan, úılengen, eki balasy bar.
Osy jyldar ishinde ol Úshtóbe et kombınatynda aǵa brıgadır, slesar, «Temirlan» JShS dırektory, Taldyqorǵan qalasy ákimi apparatynyń bólim bastyǵy, Qaratal aýdany ákiminiń orynbasary, Qaratal aýdanynyń ákimi, Tekeli qalasynyń ákimi qyzmetterin atqardy. Ol 2012 jyldyń maýsym aıynan bastap Almaty oblysy ákiminiń orynbasary qyzmetin atqardy.
Ol birneshe jyldan beri aýyl sharýashylyq salasyna jetekshilik etip, onyń damýyna óz úlesin qosqan edi. Sonymen qatar osy dertten oblystyń bas sanıtarlyq dárigeri Qaırat Baımuhambetov te kóz jumdy. Osy laýazymda bir jyldan asa qyzmet etken marqum óńirde koronavırýs indetiniń taralmaýy úshin qaýipsizdik talaptaryn engizip, el amandyǵyn saqtaý maqsatynda eńbek etken bolatyn.
