باستى بەت
جاڭالىقتار
قىتايلىق باق: "قازاقستاندا كوروناۆيرۋستان دا قاۋىپتى بەلگىسىز پنەۆمونيا تاراۋدا"

قىتايلىق باق: "قازاقستاندا كوروناۆيرۋستان دا قاۋىپتى بەلگىسىز پنەۆمونيا تاراۋدا"

10.07.2020

5292

دەنساۋلىق ساقتاۋ مينيسترلىگى باق-تا جاريالانعان قازاقستانداعى "بەلگىسىز، ءولىم دەڭگەيى جوعارى پنەۆمونيا" تۋرالى مالىمدەمەگە جاۋاپ بەردى. مينيسترلىكتەگىلەر بۇل اقپاراتتىڭ جالعان ەكەنىن مالىمدەدى.

"كەيبىر قىتايلىق باق-تا قازاقستاندا كوروناۆيرۋسقا قاراعاندا ءولىم دەڭگەيى ۇلكەن بەلگىسىز پنەۆمونيا جاعدايلارى تىركەلگەنى ايتىلعان. دەنساۋلىق ساقتاۋ مينيسترلىگى بۇل اقپاراتتىڭ شىندىققا جاناسپايتىنىن رەسمي تۇردە مالىمدەيدى".

"ددۇ اۋرۋلاردىڭ حالىقارالىق كلاسسيفيكاتسياسىن ەنگىزگەن - احك-10 پنەۆمونيانى ەسەپتەۋ كودى، بۇل كوروناۆيرۋس دياگنوزى كلينيكالىق نەمەسە ەپيدەميولوگيالىق بولعان كەزدە قويىلعان، مىسالى، زاقىمدالعان وكپەدە "كۇڭگىرت شىنى" بەلگىلەرى بار، بىراق زەرتحانالىق راستالماعان جاعدايدى ايتادى.

وسىعان بايلانىستى، قازاقستان الەمنىڭ باسقا ەلدەرى سياقتى پنەۆمونيانىڭ بۇل ءتۇرىن ەسەپكە الۋدى جانە باقىلاۋدى جۇرگىزەدى، بۇل كوروناۆيرۋس ينفەكتسياسىنىڭ تارالۋىن تۇراقتاندىرۋعا باعىتتالعان ۋاقتىلى باسقارۋ شەشىمدەرىن قابىلداۋعا مۇمكىندىك بەرەدى", - دەلىنگەن مينيسترلىك تاراتقان حابارلامادا.